Ведаеце, навошта скрыня пад духоўкай? Вось тры сакрэты духовак, якія дапамогуць рыхтаваць навагодняе застолле
Хутка Каляды і Новы год — у гэты час духоўка запатрабаваныя. Але нават дасведчаныя гаспадыні не ведаюць усіх яе сакрэтаў — якія, між іншым, значна спрашчаюць жыццё.
Як проста памыць шкло?
Перад тым, як пачаць гатаваць на ўсю сям'ю, хочацца вычысціць духоўку. Самае праблемнае тут — шкло. Можна завіхацца ля яго на карачках, а можна… вынуць яго і памыць у ракавіне.
У большасці больш-менш новых мадэляў ёсць спосаб выцягнуць шкло (час ад часу гэта складана, але магчыма), і ён апісаны ў інструкцыі. Многія з інструкцый ёсць у інтэрнэце.
Навошта скрыня пад духоўкай? Большасць не ведае!
Вядома, у ёй можна захоўваць посуд, а таксама нішто не перашкаджае ёй стаяць пустой. Але ў яе ёсць і больш годнае прымяненне, асабліва падчас святаў.
Скрыня пад духоўкай яшчэ называецца скрыняй для падагрэву і выкарыстоўваецца для захоўвання страў цёплымі, але не гарачымі. Так можна цэлы дзень трымаць прыгатаваную ежу свежай і цёплай (бо з яе не выпараецца так шмат вільгаці), як у бабулінай печцы, і яна спакойна дастаіць так да прыходу гасцей.
Што такое канвекцыя ў духоўцы? Яна зэканоміць час і грошы!
Рэжым канвекцыі дазваляе хутчэй праграваць камеру духоўкі за кошт працы вентылятара, які разнамерна «разганяе» гарачае паветра ўнутры духоўкі.
Уключыўшы яе, вы можаце значна паскорыць працэс гатоўкі. Гэта эканоміць час і электраэнергію, а ежа раўнамерна прасмажваецца не толькі звонку, але і ўнутры (што, да прыкладу, важна пры запяканні мяса без рукава).
Канвекцыя добра пасуе пры гатаванні мяса, рыбы або гародніны. Гэта скарачае час выпечкі, і прадукты не так моцна высыхаюць.
Таксама яна забяспечвае раўнамернае прапяканне страў. Гэта вельмі важна, напрыклад, для буйных кавалкаў мяса. Пры гатаванні без канвекцыі вонкавы бок мяса можа ўжо падгарэць, а ўнутраны яшчэ не прасмажаныцца.
Але варта запомніць вельмі простае правіла: калі вы выкарыстоўваеце рэцэпт, у якім не прадугледжанае прыгатаванне з канвекцыяй, заўсёды зніжайце тэмпературу выпякання на 20 градусаў.
Канвекцыю можна выкарыстоўваць для гатавання ежы, у якой мы хочам захаваць вільгаць, якую трэба раўнамерна і адносна хутка прапячы. Але яе нельга выкарыстоўваць для тартоў ці іншых прысмакаў, якія падымаюцца пры выпяканні. Таму тарты, хлеб і іншыя далікатныя стравы выпякаюцца без канвекцыі.
Удакладненне. Спачатку тут не было напісана, што ж такое канвекцыя па сутнасці. Выпраўлена.
Каментары
Рэд., зрабіце ласку, падкажыце, дзе менавіта ў тэксьце адказ на пытаньне: «Што такое канвекцыя ў духоўцы?». То бок ваш нейкі казачны ..., аўтар вынес гэта пытанейка ў падзагаловак, а адказаць — хоць бы адным радком! — запамятаў. Ці прасьвятліў, а адказ ягоны выдаліўся празь нейкія тэхнічныя прычыны? Альбо, болей верагодна, батанічныя? Ці не прайшоў мянтурку й цэнзурку? Альбо выбіла — электракоркам у карак! — асьвятленьне? Ці, Божа барані, падтапленьне, не, пажар? Альбо рэзка выдзьмула яго туды, дзе ён спэцыяліст? Ці ці альбо? Альбо ці ці...