«Як у Пугачовай»: былы віцэ-прэм'ер Мацюшэўскі выставіў свой элітны катэдж у Мінску на продаж за 3,2 мільёна рублёў
Абвестка аб продажы катэджа банкіра і былога віцэ-прэм'ера з'явілася напачатку новага года. На рэкламных фота пакояў — навагодняя атрыбутыка. Мільянер хоча атрымаць за свой катэдж з гламурнымі інтэр'ерамі 1 200 000 даляраў. У доме некалькі ванных пакояў, джакузі. Прычына продажу невядомая, але вядома, што эканамічная справа супраць банкіра не закрытая.
Абвестка аб продажы дома ў завулку Ржавецкім з'явілася на сайце Realt.by. Дабаўлена шмат фота.
Свой дом каля вадасховішча Дразды прадае Васіль Мацюшэўскі — старшыня праўлення Банка БелВЭБ, былы віцэ-прэм'ер.
Плошча ўчастка — 11 сотак, плошча самога катэджа — 289,6 м², з іх жылая — 111,2 м².
Мацюшэўскі мае рэпутацыю піжона: ён сачыў за сваім гардэробам і мог пісьменна выказваць свае думкі.
Інтэр'ер дома ў яго таксама з прэтэнзіямі. «Дом, як у Пугачовай», — сказаў нам рыэлтар. Гэта, можа быць, і перабольшанне, але гэта не сціплая абстаноўка: гзымсы, вітражы і нават месцамі пазалота. Фота гавораць самі за сябе.
Што змусіла Мацюшэўскага прадаваць катэдж, невядома.
Але нядаўна ён быў фігурантам крымінальнай справы Банка БелВЭБ — мы падрабязна асвятлялі гэтую гісторыю. Арыштоўвалі і самога Мацюшэўскага, і яго топ-менеджараў.
На выкуп сваіх супрацоўнікаў Мацюшэўскаму прыйшлося браць вялікія грошы ў Ігара Шувалава — старшыні расійскага Знешэканомбанка.
Чытайце таксама: Арышту Мацюшэўскага папярэднічаў яго канфлікт з Калаўрам, і пагоны за гэта ўчапіліся. Падрабязнасці
Чытайце таксама: Мацюшэўскі развітаўся з БелВЭБам пасля гісторыі з арыштам і выкупам
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію6
Каментары