«Jak u Puhačovaj»: były vice-premjer Maciušeŭski vystaviŭ svoj elitny katedž u Minsku na prodaž za 3,2 miljona rubloŭ
Abviestka ab prodažy katedža bankira i byłoha vice-premjera źjaviłasia napačatku novaha hoda. Na rekłamnych fota pakojaŭ — navahodniaja atrybutyka. Miljanier choča atrymać za svoj katedž z hłamurnymi interjerami 1 200 000 dalaraŭ. U domie niekalki vannych pakojaŭ, džakuzi. Pryčyna prodažu nieviadomaja, ale viadoma, što ekanamičnaja sprava suprać bankira nie zakrytaja.
Abviestka ab prodažy doma ŭ zavułku Ržavieckim źjaviłasia na sajcie Realt.by. Dabaŭlena šmat fota.
Svoj dom kala vadaschovišča Drazdy pradaje Vasil Maciušeŭski — staršynia praŭleńnia Banka BiełVEB, były vice-premjer.
Płošča ŭčastka — 11 sotak, płošča samoha katedža — 289,6 m², ź ich žyłaja — 111,2 m².
Maciušeŭski maje reputacyju pižona: jon sačyŭ za svaim harderobam i moh piśmienna vykazvać svaje dumki.
Interjer doma ŭ jaho taksama z pretenzijami. «Dom, jak u Puhačovaj», — skazaŭ nam ryełtar. Heta, moža być, i pierabolšańnie, ale heta nie ścipłaja abstanoŭka: hzymsy, vitražy i navat miescami pazałota. Fota havorać sami za siabie.
Što zmusiła Maciušeŭskaha pradavać katedž, nieviadoma.
Ale niadaŭna jon byŭ fihurantam kryminalnaj spravy Banka BiełVEB — my padrabiazna aśviatlali hetuju historyju. Aryštoŭvali i samoha Maciušeŭskaha, i jaho top-mieniedžaraŭ.
Na vykup svaich supracoŭnikaŭ Maciušeŭskamu pryjšłosia brać vialikija hrošy ŭ Ihara Šuvałava — staršyni rasijskaha Źniešekanombanka.
Čytajcie taksama: Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
Čytajcie taksama: Maciušeŭski raźvitaŭsia ź BiełVEBam paśla historyi z aryštam i vykupam
Ciapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić28
Kamientary