Грамадства11

Памёр украінскі паэт Дмытро Паўлычка

На 94-м годзе жыцця памёр вядомы ўкраінскі паэт, грамадска-палітычны дзеяч, Герой Украіны Дмытро Паўлычка, паведаміла «Украінская праўда». Яго песня «Два кольори» стала народнай.

Перад тым старшыня Нацыянальнага саюза пісьменнікаў Украіны Міхаіл Сідаржэўскі напісаў у фэйсбуку:

«Сёння ўвечары памёр Дмытро Паўлычка. Мне толькі што пра гэта паведаміў Багдан Горынь са спасылкай на дачку пісьменніка».

Дмытро Паўлычка быў адным з самых значных украінскіх паэтаў. З ім былі добра знаёмыя і нават сябравалі і беларускія творцы. 

Нарадзіўся ён у 1929 годзе на тэрыторыі цяперашняй Івана-Франкоўскай вобласці, якая ў той час уваходзіла ў склад Польшчы. У 1945 годзе ваяваў у складзе Украінскай паўстанцкай арміі, за што пасля быў на 8 месяцаў зняволены савецкай уладай. 

Першыя крокі ў літаратуры рабіў у Львове, у 1964 годзе пераехаў у Кіеў. У 1971—1978 гадах быў галоўным рэдактарам часопіса «Всесвіт», які друкаваў па-ўкраінску творы сусветнай літаратуры. Сам быў вядомы як плённы перакладчык з розных моў.

З часоў перабудовы актыўна ўдзельнічаў у палітычным жыцці, заўсёды падтрымліваў нацыянальныя сілы. Неаднаразова быў дэпутатам Вярхоўнай Рады, у 1990-я — паслом Украіны ў Славакіі і Польшчы. 

Многія ведаюць украінскую песню «Два кольори», аўтар слоў да яе акурат Дмытро Паўлычка. 

 

Каментары1

  • Грышка
    29.01.2023
    Вічна йому пам'ять. Вечная яму памяць.

Цяпер чытаюць

Як за год змянілася колькасць беларусаў у Літве. Лічбы ўражваюць7

Як за год змянілася колькасць беларусаў у Літве. Лічбы ўражваюць

Усе навіны →
Усе навіны

Суўладальніка «Варгеймінга» Мікалая Кацалапава абвінавачваюць у данатах апазіцыйным структурам на сотні тысяч даляраў11

Ці сапраўды дэлегаты КР адмовіліся праходзіць паліграф? Краўцоў адказвае Жыгару27

У М'янме з-за землятрусу нават на месяц спыняюць грамадзянскую вайну2

Жанчына хацела прадаць рэчы на «Куфры» і ледзь не засталася без грошай1

Былую беларускую журналістку з прытулкам у Чэхіі абвінавацілі ў працы на расійскую разведку18

У Іркуцкай вобласці разбіўся расійскі вайсковы самалёт2

У Славеніі першы беларус атрымаў пашпарт іншаземца

Стала вядома пра маштабны рэйд КДБ напрыканцы сакавіка7

Ілан Маск у найбліжэйшыя тыдні можа спыніць выкананне абавязкаў у адміністрацыі Трампа1

больш чытаных навін
больш лайканых навін

Як за год змянілася колькасць беларусаў у Літве. Лічбы ўражваюць7

Як за год змянілася колькасць беларусаў у Літве. Лічбы ўражваюць

Галоўнае
Усе навіны →

Заўвага:

 

 

 

 

Закрыць Паведаміць