Пра гэта заяўляе «Хрысціянская візія» са спасылкай на ўласныя крыніцы. Сцвярджаецца, што кіраўніцтва Каталіцкага касцёла ўжо шукае замену пробашчу Чырвонага касцёла Уладзіславу Завальнюку, які кіруе ім з 1990 года, калі святыню перадалі вернікам пасля савецкай канфіскацыі.
Раней тэлеканал «Белсат» паведамляў, што ксяндза Уладзіслава ўжо спрабавалі нядаўна перавесці пробашчам у парафію Ракава каля Мінска. Але ён здолеў пераканаць, што «гэта будзе непрыгожа адносна нашай парафіі — пакінуць яе цяпер, у такі цяжкі момант». Тым не менш ракаўскую парафію пасля смерці мясцовага пробашча перадалі пад «шэфства» Чырвонага касцёла.
Нагадаем, што Чырвоны касцёл закрыты для вернікаў з 26 верасня 2022 года пасля падазронага інцыдэнту з нібыта пажарам у сакрыстыі. У той жа дзень адміністрацыя Маскоўскага раёна прыняла рашэнне часова забараніць эксплуатацыю будынка. Касцёл адключылі ад усіх камунікацый. Мінгарвыканкам заявіў, што ўладальнік будынка, КУП «Мінская спадчына», не можа выконваць абавязацельствы па дамове, і запатрабаваў ад рэлігійнай абшчыны вызваліць будынак ад рухомай маёмасці для правядзення рамонтна-аднаўленчых работ.
Цяпер чытаюць
Іна Кулей: Мілінкевіч перамог смерць, але шлях да поўнага адужання няблізкі3
Каментары
Месца, каб памаліцца Богу, заўсёды знойдзецца. Толькі навошта яго шукаць у лапах беса?
Ну хай лукашысты ў гэтым будынку бульбу захоўваюць. Скончыцца гэта ўсё. Але застанецца памяць. Калі гэта адбудзецца, памяць аб тым, што прадстаўнікі каталіцкай царквы ў Беларусі размянялі свайго служку, парафіян, сумленне на змову з карнікамі. Прыгожыя словы ў царкве на справе даюць такі вынік? Ну дык навошта беларусам такая царква? БПЦ ужо да сатаны пайшла. Зараз і каталікі туды адправяцца?
Мо прадстаўнікі каталіцкай царквы не разумеюць такія базавыя рэчы? Ці разумеюць, але наўмысна лезуць у лапы да чорта? І ў адным, і ў другім выпадку ў касцёле няма чаго шукаць ды чакаць веруючым беларусам.
Вялікі дзякуй Хрысціянскай Візіі за інфармацыю. Нясеце свет у гэтым змроку.