Загадкавая ўспышка ў небе над Гомелем і Кіевам: NASA заяўляе, што гэта не мог быць спадарожнік
Познім вечарам у сераду неба над Гомельскай вобласцю і Кіевам асвяціла яркая белая ўспышка. Да гэтага часу застаецца нявысветленым, што стала яе прычынай, украінскія вайскоўцы звязваюць яе з падзеннем спадарожніка або метэарыта, паведамляе Бі-бі-сі.
Паводле першапачатковай інфармацыі, распаўсюджанай, у прыватнасці, кіраўніком офіса прэзідэнта Украіны, успышка была выкліканая працай украінскіх СПА. «Не турбуйцеся з нагоды НЛА. Гэта наша СПА», — напісаў Андрэй Ярмак у сваім тэлеграм-канале, аднак пасля гэты допіс быў выдалены.
Кіеўская гарадская ваенная адміністрацыя таксама паведаміла, што яркае свячэнне над Кіевам увечары 19 красавіка стала вынікам падзення на зямлю касмічнага спадарожніка NASA.
Аднак у NASA заявілі, што паведамленні аб падзенні іх спадарожніка не адпавядаюць рэчаіснасці.
На пачатку гэтага тыдня ведамства паведаміла, што навукова-даследчы спадарожнік RHESSI, які адслужыў свой тэрмін, увойдзе ў зямную атмасферу ў сераду. Гэты спадарожнік масай 300 кг, прызначаны для вывучэння ўспышак на Сонцы, быў запушчаны на нізкую калязямную арбіту ў 2002 годзе і выведзены з эксплуатацыі ў 2018-м.
Аднак, як заявіў Бі-бі-сі прадстаўнік NASA па сувязях з грамадскасцю Роб Маргета, у той час, калі над Кіевам назіралася ўспышка святла, спадарожнік усё яшчэ знаходзіўся на арбіце. Ён павінен увайсці ў шчыльныя слаі атмасферы на працягу ночы. Ніякі іншы спадарожнік NASA таксама не ўваходзіў у атмасферу ў паказаны час, паведаміў Маргета.
Навуковая суполка the Alpha Centauri таксама настойвае на тым, што заўважаны над Кіевам аб'ект не мог быў спадарожнікам.
«Над Кіевам не гарэў спадарожнік NASA. Сёння ў атмасферу сапраўды павінен быў увайсці апарат НАСА RHESSI, які назіраў за сонечнымі ўспышкамі з 2002 па 2018 год. Але траекторыя яго падзення вельмі, вельмі далёкая ад Украіны», — заявілі ў суполцы.
Там заклікалі Кіеўскую ваенную адміністрацыю лепш правяраць інфармацыю.
«Аб'ект, які ўпаў каля Кіева — гэта балід (метэор)», — настойваюць у навуковай супольнасці.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі3
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары