Навукоўцы высветлілі, што за ўспышку ў небе назіралі беларусы і ўкраінцы ўвечары 19 красавіка
Гэта быў метэор. Так ахарактарызавалі загадкавую ўспышку ў небе над Украінай і Беларуссю, якую назіралі ўвечары, 19 красавіка, у Міжнароднай метэорнай арганізацыі.
У Кіеве нават была абвешчаная паветраная трывога. Але крыху пазней стала вядома, што гэта не звязана з баявымі дзеяннямі.
Крыху пазней з'явілася версія пра падзенне спадарожніка NASA. Але і гэта не пацвердзілася.
Нарэшце навукоўцы вывучылі ўсе матэрыялы: як фіксацыі з камер назіранняў і аматарскіх смартфонаў, так і даныя астранамічных станцый Славакіі і Венгрыі, якія таксама зафіксавалі падзенне баліда, піша Blizko.by.
Гэта было касмічнае цела дыяметрам каля паўметра і вагой у 200-300 кілаграм. Падаў метэарыт проста над Кіевам (там ён і «засвяціўся» ярчэй за ўсё). Ляцеў на вышыні каля 80 кіламетраў з хуткасцю 29 км/с, а на вышыні 38 кіламетраў над Зямлёй узарваўся. Доўжылася гэта касмічнае відовішча каля 5 секунд.
На Зямлю пасля выбуху амаль нічога не трапіла. Нябеснае цела разляцелася на дробныя аскепкі і пыл — занадта высокая была хуткасць падзення. На думку экспертаў балід мог падысці блізка да Зямлі яшчэ пару гадоў таму, затым зрабіць поўны абарот вакол нашай планеты і ўвайсці ў яе атмасферу толькі цяпер.
Цяпер чытаюць
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА17
Каментары