У Беларусі павялічылі тарыфы на праезд грузавога транспарту па платных аўтадарогах краіны, вынікае з пастановы Мінтранса № 24 ад 16 мая 2023 года.
Для аўтамабіляў з масай большай за 3,5 тоны тарыф для транспартных сродкаў з дзвюма восямі павышаецца на 1,1 еўрацэнта да 10,1 еўрацэнта за кіламетр, з трыма восямі — на 1,1 еўрацэнта да 12,6 еўрацэнта за кіламетр, з чатырма і больш восямі — на 0,7 еўрацэнта да 15,2 еўрацэнта за кіламетр.
Тарыф за карыстанне платнымі дарогамі за 15 каляндарных дзён дзеяння электроннага пропуску павышаецца адразу на 4 еўра да 18 еўра, за 30 каляндарных дзён — на 6 еўра да 28 еўра, за каляндарны год — на 21 еўра да 96 еўра.
Павялічваюцца і санкцыі за неаплату ці няпоўную аплату. Разавы тарыф для транспартных сродкаў масай да 3,5 тоны ў дачыненні да фактаў неаплаты павышаецца на 2 еўра да 12 еўра; для транспартных сродкаў масай большай за 3,5 тоны ў дачыненні да фактаў няпоўнай аплаты — на 1 еўра да 16 еўра, у дачыненні да фактаў неаплаты — на 2 еўра да 32 еўра.
Цяпер чытаюць
Біёлаг Сяргей Шэлег, якога асудзілі на 8,5 года за данаты, пасля раптоўнага вызвалення марыць і далей дапамагаць беларусам. Яго філасофія натхняе3
Каментары