Ігуменню Гаўрыілу ўключылі ў Кнігу славы Гродзенскай вобласці, тая ў адказ захваліла Лукашэнку
Звесткі пра пяцярых жыхароў рэгіёна ўключылі ў Кнігу славы Гродзенскай вобласці. Сярод іх — сумна вядомая ігумення Гродзенскага жаночага манастыра Гаўрыіла. З нагоды «прызнання» яна падзялілася думкамі пра Дзень Незалежнасці.
«Толькі Беларусь, сам Аляксандр Рыгоравіч Лукашэнка ў найноўшай сваёй гісторыі зрабіў святам Дзень Незалежнасці дзень, калі Беларусь была вызвалена ад нямецка-фашысцкіх захопнікаў (3 ліпеня быў вызвалены толькі Мінск, дата вызвалення Гродна — 16 ліпеня, а ўся тэрыторыя краіны была вызваленая ў канцы ліпеня 1944 года. — «НН»). Усе астатнія рэспублікі прыдумалі свае дні незалежнасці менавіта тады, калі, з іх пункту гледжання, яны былі вызваленыя ад СССР», — цытуе Гаўрыілу БелТА.
«На першапачатковым этапе, калі малады яшчэ Аляксандр Рыгоравіч стаў прэзідэнтам, было цяжка, але з Божай дапамогай ён змог пераадолець перыяд 90-х. Ён грунтаваўся на рэальных гістарычных фактах, на нашых каштоўнасцях, на тым, што сапраўды было здабыта найвялікшай працай, подзвігамі, крывёю, смерцю. І гэты дзень вызвалення, калі кожны трэці беларус паклаў жыццё сваё за тое, каб мы з вамі сёння сустрэліся, менавіта гэты дзень — у нас Дзень Незалежнасці нашай краіны. Гэта вельмі правільна», — дадала Гаўрыіла.
Ігумення таксама адзначыла сацыяльную накіраванасць беларускай палітыкі, «у адрозненне ад краін Захаду». «Шматдзетныя сем'і атрымліваюць кватэры ад дзяржавы, дзеці ў садах выхоўваюцца бясплатна, ахова здароўя бясплатная. Столькі сацыяльнай рознай дапамогі аказваецца. Вядома, можна ўсюды знайсці нейкія недаробкі, промахі. Але трэба дзякаваць Богу, што Гасподзь даў гэтай краіне і ў гэты час такога кіраўніка, як Аляксандр Лукашэнка», — заявіла Гаўрыіла.
Ігумення даўно вядомая як актыўная прыхільніца Лукашэнкі, яна зацята змагаецца з нацыянальным беларускім рухам, апраўдвае ваенную агрэсію Расіі супраць Украіны і ўвогуле апантана прасоўвае ідэі «рускага свету».
У 2020 годзе, калі нават кіраўніцтва БПЦ нейкі час спрабавала трымаць больш-менш узважаную пазіцыю, ігумення Гаўрыіла адкрыта выступіла на баку Лукашэнкі і сілавікоў, бласлаўляючы шырокамаштабны дзяржаўны гвалт, выступала з агрэсіўнымі прамовамі на дзяржаўных мерапрыемствах і дарыла пачастункі амапаўцам. Гэта, несумненна, адна з найбольш адыёзных фігур у сучасным беларускім праваслаўі.
-
«Паглядзіце на тое, што адбываецца ва Украіне проста зараз, у гэтую хвіліну». Экс-прэзідэнт Юшчанка звярнуўся з адкрытым лістом да Трампа
-
У Беларусі ўпершыню з'явілася ламаная разметка
-
Былога выкладчыка духоўнага вучылішча, які жанаты з маладзейшай за яго на 30 год студэнткай, выпусцілі з ізраільскай паліцыі
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне19
Каментары