Ihumieńniu Haŭryiłu ŭklučyli ŭ Knihu słavy Hrodzienskaj vobłaści, taja ŭ adkaz zachvaliła Łukašenku
Źviestki pra piaciarych žycharoŭ rehijona ŭklučyli ŭ Knihu słavy Hrodzienskaj vobłaści. Siarod ich — sumna viadomaja ihumieńnia Hrodzienskaha žanočaha manastyra Haŭryiła. Z nahody «pryznańnia» jana padzialiłasia dumkami pra Dzień Niezaležnaści.
«Tolki Biełaruś, sam Alaksandr Ryhoravič Łukašenka ŭ najnoŭšaj svajoj historyi zrabiŭ śviatam Dzień Niezaležnaści dzień, kali Biełaruś była vyzvalena ad niamiecka-fašysckich zachopnikaŭ (3 lipienia byŭ vyzvaleny tolki Minsk, data vyzvaleńnia Hrodna — 16 lipienia, a ŭsia terytoryja krainy była vyzvalenaja ŭ kancy lipienia 1944 hoda. — «NN»). Usie astatnija respubliki prydumali svaje dni niezaležnaści mienavita tady, kali, ź ich punktu hledžańnia, jany byli vyzvalenyja ad SSSR», — cytuje Haŭryiłu BiełTA.
«Na pieršapačatkovym etapie, kali małady jašče Alaksandr Ryhoravič staŭ prezidentam, było ciažka, ale z Božaj dapamohaj jon zmoh pieraadoleć pieryjad 90-ch. Jon hruntavaŭsia na realnych histaryčnych faktach, na našych kaštoŭnaściach, na tym, što sapraŭdy było zdabyta najvialikšaj pracaj, podźvihami, kryvioju, śmierciu. I hety dzień vyzvaleńnia, kali kožny treci biełarus pakłaŭ žyćcio svajo za toje, kab my z vami siońnia sustrelisia, mienavita hety dzień — u nas Dzień Niezaležnaści našaj krainy. Heta vielmi pravilna», — dadała Haŭryiła.
Ihumieńnia taksama adznačyła sacyjalnuju nakiravanaść biełaruskaj palityki, «u adroźnieńnie ad krain Zachadu». «Šmatdzietnyja siemji atrymlivajuć kvatery ad dziaržavy, dzieci ŭ sadach vychoŭvajucca biaspłatna, achova zdaroŭja biaspłatnaja. Stolki sacyjalnaj roznaj dapamohi akazvajecca. Viadoma, možna ŭsiudy znajści niejkija niedarobki, promachi. Ale treba dziakavać Bohu, što Haspodź daŭ hetaj krainie i ŭ hety čas takoha kiraŭnika, jak Alaksandr Łukašenka», — zajaviła Haŭryiła.
Ihumieńnia daŭno viadomaja jak aktyŭnaja prychilnica Łukašenki, jana zaciata zmahajecca z nacyjanalnym biełaruskim rucham, apraŭdvaje vajennuju ahresiju Rasii suprać Ukrainy i ŭvohule apantana prasoŭvaje idei «ruskaha śvietu».
U 2020 hodzie, kali navat kiraŭnictva BPC niejki čas sprabavała trymać bolš-mienš uzvažanuju pazicyju, ihumieńnia Haŭryiła adkryta vystupiła na baku Łukašenki i siłavikoŭ, błasłaŭlajučy šyrokamaštabny dziaržaŭny hvałt, vystupała z ahresiŭnymi pramovami na dziaržaŭnych mierapryjemstvach i daryła pačastunki amapaŭcam. Heta, niesumnienna, adna z najbolš adyjoznych fihur u sučasnym biełaruskim pravasłaŭi.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary