Справу аб ліквідацыі грамадскага аб'яднання «Сірыйская грамада», якое існуе амаль 26 гадоў, разгледзіць Мінскі гарадскі суд 28 ліпеня. З раскладу на сайце электроннага судаводства вынікае, што пазоў падало Міністэрства юстыцыі, піша «Позірк».
«Сірыйская грамада» была зарэгістраваная 6 лістапада 1997 года. Праз 20 гадоў, у 2017-м, медыя паведамлялі, што ў аб'яднанне ўваходзіць 1,5 тысячы чалавек.
Узначальваў арганізацыю калісьці паспяховы ў Беларусі бізнэсовец Юсэф Недал Амін — адзін са стваральнікаў кампаніі «Кравіра», якая з сярэдзіны 1990-х гадоў займалася ў Беларусі забаўляльным, гульнявым, лясным бізнэсам, інвестыцыямі ў камерцыйную і жылую нерухомую маёмасць.
У нулявыя гады Амін уваходзіў нават у сотню найбольш паспяховых і ўплывовых беларускіх бізнэсменаў. Але пяць гадоў таму, у 2018 годзе, гэтая кампанія была прызнаная банкрутам.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары