Spravu ab likvidacyi hramadskaha abjadnańnia «Siryjskaja hramada», jakoje isnuje amal 26 hadoŭ, razhledzić Minski haradski sud 28 lipienia. Z raskładu na sajcie elektronnaha sudavodstva vynikaje, što pazoŭ padało Ministerstva justycyi, piša «Pozirk».
«Siryjskaja hramada» była zarehistravanaja 6 listapada 1997 hoda. Praz 20 hadoŭ, u 2017-m, miedyja paviedamlali, što ŭ abjadnańnie ŭvachodzić 1,5 tysiačy čałaviek.
Uznačalvaŭ arhanizacyju kaliści paśpiachovy ŭ Biełarusi biznesoviec Jusef Niedał Amin — adzin sa stvaralnikaŭ kampanii «Kravira», jakaja ź siaredziny 1990-ch hadoŭ zajmałasia ŭ Biełarusi zabaŭlalnym, hulniavym, lasnym biznesam, inviestycyjami ŭ kamiercyjnuju i žyłuju nieruchomuju majomaść.
U nulavyja hady Amin uvachodziŭ navat u sotniu najbolš paśpiachovych i ŭpłyvovych biełaruskich biznesmienaŭ. Ale piać hadoŭ tamu, u 2018 hodzie, hetaja kampanija była pryznanaja bankrutam.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU2
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary