«Мы пастаянна сочым за ўсімі магчымымі правакацыямі з боку Беларусі».
Польшча бярэ пад увагу ўсе магчымыя правакацыі, якія можа ўчыніць рэжым Лукашэнкі, асабліва напярэдадні парламенцкіх выбараў восенню. Аб гэтым ў эфіры Polskie Radio заявіў намеснік міністра ўнутраных спраў Польшчы Мацей Вонсік.
Паводле яго слоў, Лукашэнка, хутчэй за ўсё, захоча ўмяшацца ў польскія выбары з мэтай дыстабілізацыі сітуацыі ў краіне.
«Мы пастаянна сочым за сітуацыяй на польска-беларускай мяжы і бярэм пад увагу факт, што Лукашэнка хутчэй за ўсё паспрабуе ўмяшацца ў выбары ў Польшчы і дэстабілізаваць краіну. Для гэтага могуць быць ужытыя любыя правакацыі, як, напрыклад, гэта было з беларускімі верталётамі», — адзначыў намеснік міністра польскага МУС.
Нагадаем, што сам Лукашэнка нядаўна загадаў «звязацца з палякамі», каб абмеркаваць наладжванне адносін. Тыя, дарэчы, ужо адказалі, што падобныя заявы Лукашэнкі з'яўляюцца «пустымі словамі», асабліва калі ў Беларусі велізарная колькасць палітвязняў, а таксама прысутнічаюць вагнераўцы і расійская ядзерная зброя.
Гэта ўсё ў тым ліку адбываецца на фоне магчымага поўнага закрыцця межаў з Беларуссю з боку Польшчы, Літвы і Латвіі, што з'яўляецца адказам на правакацыі рэжыму Лукашэнкі і Расіі на мяжы з Еўрасаюзам.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары