Літоўскі дэпутат пра закрыццё двух памежных пераходаў: Гэта сігнал Лукашэнку
Урад Літвы прыняў рашэнне аб закрыцці КПП Шумскас і Цвярачус з 18 жніўня. Кіраўнік парламенцкага камітэта нацбяспекі і абароны Лаўрынас Кашчунас сказаў, што гэта рэакцыя на змяненне сітуацыі ля межаў Літвы і рашэнне для абмежавання кантрабанды, піша Delfi.
Паводле слоў палітыка, гэта важны крок, які дэманструе, што Літва гатовая рэагаваць на любыя правакацыі суседняй краіны. «Мы шлем сігнал таму ж рэжыму Лукашэнкі, што калі пачнуцца сістэматычныя правакацыі ля мяжы, або звязаныя з патокам нелегальных мігрантаў, або звязаныя з іншымі нюансамі, то варыянтам можа быць закрыццё межаў», — сказаў 16 жніўня ў інтэрв'ю на LRT Кашчунас.
Важным фактарам з'яўляецца не толькі міграцыя і «Вагнер» у Беларусі, але і маштабы кантрабанды цыгарэт, заўважыў дэпутат. Таму, паводле яго слоў, закрыццё КПП будзе спрыяць барацьбе з кантрабандай.
«Гэтыя закрыцці КПП патрэбныя для кантролю патокаў кантрабанды. Я хачу нагадаць, што кантрабанда цыгарэт — гэта велізарны бізнэс-праект рэжыму Лукашэнкі, яны нажываюцца на гэтым», — падкрэсліў Кашчунас.
Пасля спынення руху праз вышэйзгаданыя КПП супрацоўнікі памежнага кантролю будуць пераведзены на іншыя КПП. Транспартныя патокі будуць накіраваны на нядаўна рэканструяваны КПП Меднікі. Там выкарыстоўваецца сістэма рэнтгенаўскага кантролю, якой няма на КПП Цвярачус і Шумскас.
Цяпер праз КПП Шумскас праходзіць толькі легкавы транспарт, праз Цвярачус праходзіць лёгкі транспарт і пусты грузавы транспарт. На мяжы Польшчы з Беларуссю працуе адзін КПП, на мяжы Латвіі — два, а на мяжы з Літвой — шэсць (ад заўтра будзе чатыры).
Генеральны дырэктар дэпартамента мытні Дарус Жвіронас сцвярджаў, што закрыццё КПП Шумскас і Цвярачус не парушыць руху тавараў праз мяжу з Беларуссю.
Літва ўсё ж закрывае два пункты пропуску на мяжы з Беларуссю
Беларусы расказалі, што адбываецца на мяжы з Літвой напярэдадні магчымага закрыцця КПП
Краіны Балтыі і Польшча абмяркуюць пытанне закрыцця мяжы з Беларуссю ўжо ў гэтым месяцы
Прэзідэнт Польшчы расказаў, што павінен зрабіць Мінск для паляпшэння адносін з Варшавай
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары