Грамадства33

Беларусаў абавяжуць паведамляць у МУС пра іншаземных гасцей, нават калі тым не патрэбная рэгістрацыя

Юрыдычных асоб, ІП і фізічных асоб абавяжуць інфармаваць органы ўнутраных спраў аб даванні памяшканняў для пражывання замежнікам, якія часова знаходзяцца ў Беларусі. За ігнараванне гэтага палажэння прадугледзелі адміністрацыйную адказнасць.

Сёння Палата прадстаўнікоў у першым чытанні прыняла праект зменаў у Закон Рэспублікі Беларусь ад 4 студзеня 2010 г. «Аб прававым становішчы замежных грамадзян і асоб без грамадзянства ў Рэспубліцы Беларусь» і Кодэкс Рэспублікі Беларусь аб адміністрацыйных правапарушэннях.

Зменамі канкрэтызуецца пералік памяшканняў, пра пражыванне ў якіх замежнікаў трэба інфармаваць МУС. Гэта жылыя памяшканні, жылыя пакоі ў аграэкасядзібах, садовыя домікі, дачы, шматфункцыянальныя памяшканні (бізнэс-апартаменты), сродкі размяшчэння.

Акрамя таго, удакладняецца пералік формаў дагавораў, на падставе якіх такія памяшканні можна даваць замежнікам для пражывання: дагавор найму жылога памяшкання, дагавор на аказанне паслуг у сферы аграэкатурызму, дагавор арэнды і дагавор платнага аказання паслуг.

Прыняцце зменаў і іх рэалізацыя «дазволяць адаптаваць нормы Закона і КаАП да сучасных рэалій,

павысіць узровень інфармавання дзяржаўных органаў і забяспечыць своечасовасць паступлення звестак аб субʼектах, якія даюць для пражывання замежнікам жылыя памяшканні, а таксама аб саміх іншаземцах, якія часова знаходзяцца ў Рэспубліцы Беларусь, у тым ліку тых, якія не падлягаюць у адпаведнасці з заканадаўствам рэгістрацыі на тэрыторыі нашай краіны», — піша прэс-служба Палаты прадстаўнікоў.

У Беларусі вызваляюцца ад рэгістрацыі на працягу 30 сутак ад даты ўезду грамадзяне Казахстана, Латвіі, Літвы, Абʼяднаных Арабскіх Эміратаў, Украіны і Эстоніі, а да 90 сутак — грамадзяне Расійскай Федэрацыі.

Але МУС будзе ведаць, дзе яны спыніліся.

Каментары3

  • Беларусы
    22.11.2023
    Бяжым i падаем.
  • Антось
    22.11.2023
    І стучаць дзецям на бацькоў, бацькам на дзяцей. Як яны шыпка вяртаюцца ў мінулае. Ўвесь свет ідзе наперад, робіць прагрэсс ,- а гэтым загадалі рэгрэс рабіць. Ужо ў сталінскіх часах, але і да грамадзянскай вайны недалёка ім засталося.
  • mikola
    22.11.2023
    Dobry abavjazak ! Padtrymlivaiu ! Nidze ni shavacca !

Цяпер чытаюць

Муж Сямашкі быў не адзіным, хто атрымаў пашпарт прыкрыцця 13 лютага 2018 года44

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Усе навіны →
Усе навіны

«Польшча для хлопца — квіток у адзін канец на 10+ гадоў». Куды паступаюць дзеці айцішнікаў10

Кадэбэшнік адпраўляў прастытутак у Фінляндыю, а цяпер арыстакрат. Як сям'я расійскіх шпіёнаў ператварылася ў еўрапейскіх магнатаў7

Еўрасаюз запусціў праграму падтрымкі адукацыі беларусаў, якія пацярпелі ад палітычных рэпрэсій6

На станцыі метро «Маскоўская» спыніўся цягнік

Telegram заблакаваў расійскі інсайдарскі канал з мільёнам падпісчыкаў па патрабаванні расійскіх уладаў13

Як выгадна купіць машыну на аўкцыёне ў Еўропе без пасярэднікаў — расказваем16

Маладыя бацькі ў 100 гадоў. У пары галапагоскіх чарапах упершыню нарадзіліся дзеці

Трамп пракаментаваў падзенне фондавага рынку з-за ўвядзення пошлін4

Еўрапейскі ўніверсітэт залічыў першага студэнта — штучны інтэлект

больш чытаных навін
больш лайканых навін

Муж Сямашкі быў не адзіным, хто атрымаў пашпарт прыкрыцця 13 лютага 2018 года44

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Галоўнае
Усе навіны →

Заўвага:

 

 

 

 

Закрыць Паведаміць