Biełarusaŭ abaviažuć paviedamlać u MUS pra inšaziemnych haściej, navat kali tym nie patrebnaja rehistracyja
Jurydyčnych asob, IP i fizičnych asob abaviažuć infarmavać orhany ŭnutranych spraŭ ab davańni pamiaškańniaŭ dla pražyvańnia zamiežnikam, jakija časova znachodziacca ŭ Biełarusi. Za ihnaravańnie hetaha pałažeńnia praduhledzieli administracyjnuju adkaznaść.
Siońnia Pałata pradstaŭnikoŭ u pieršym čytańni pryniała prajekt źmienaŭ u Zakon Respubliki Biełaruś ad 4 studzienia 2010 h. «Ab pravavym stanoviščy zamiežnych hramadzian i asob biez hramadzianstva ŭ Respublicy Biełaruś» i Kodeks Respubliki Biełaruś ab administracyjnych pravaparušeńniach.
Źmienami kankretyzujecca pieralik pamiaškańniaŭ, pra pražyvańnie ŭ jakich zamiežnikaŭ treba infarmavać MUS. Heta žyłyja pamiaškańni, žyłyja pakoi ŭ ahraekasiadzibach, sadovyja domiki, dačy, šmatfunkcyjanalnyja pamiaškańni (biznes-apartamienty), srodki raźmiaščeńnia.
Akramia taho, udakładniajecca pieralik formaŭ dahavoraŭ, na padstavie jakich takija pamiaškańni možna davać zamiežnikam dla pražyvańnia: dahavor najmu žyłoha pamiaškańnia, dahavor na akazańnie pasłuh u śfiery ahraekaturyzmu, dahavor arendy i dahavor płatnaha akazańnia pasłuh.
Pryniaćcie źmienaŭ i ich realizacyja «dazvolać adaptavać normy Zakona i KaAP da sučasnych realij,
pavysić uzrovień infarmavańnia dziaržaŭnych orhanaŭ i zabiaśpiečyć svoječasovaść pastupleńnia źviestak ab subjektach, jakija dajuć dla pražyvańnia zamiežnikam žyłyja pamiaškańni, a taksama ab samich inšaziemcach, jakija časova znachodziacca ŭ Respublicy Biełaruś, u tym liku tych, jakija nie padlahajuć u adpaviednaści z zakanadaŭstvam rehistracyi na terytoryi našaj krainy», — piša pres-słužba Pałaty pradstaŭnikoŭ.
U Biełarusi vyzvalajucca ad rehistracyi na praciahu 30 sutak ad daty ŭjezdu hramadzianie Kazachstana, Łatvii, Litvy, Abjadnanych Arabskich Emirataŭ, Ukrainy i Estonii, a da 90 sutak — hramadzianie Rasijskaj Fiederacyi.
Ale MUS budzie viedać, dzie jany spynilisia.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary