«Танчык! Кладзіся! Мы ў акружэнні, па нас я****ць танкамі!» — Рэжысёр Сянцоў паказаў відэа бою пад Аўдзееўкай
Украінскі рэжысёр і вайсковец Алег Сянцоў паказаў відэа акопных баёў паблізу Аўдзееўкі — кадры знятыя на GoPro камеры байцоў, яны паказваюць цяжкі і працяглы бой, параненых і, нарэшце, адыход разам з выратаваным параненым, піша «Украінская праўда».
Відэа доўжыцца крыху больш за 30 хвілін, на ім паказаны бой украінскіх абаронцаў, якія знаходзяцца ў акопах, з расейцамі, якія спрабуюць штурмаваць пазіцыю.
Як чуваць з запісу, вайскоўцы кажуць, што расейцы ціснуць з усіх бакоў і знаходзяцца ўжо зусім побач − у прыватнасці, з аднаго боку толькі за 15 метраў. Па ўкраінскіх абаронцах б'юць з гранатамёта, кідаюць гранаты і страляюць з танкаў.
Трое ўкраінскіх воінаў з 13, якія трымалі знятую на відэа частку абароны, у тым ліку і Сянцоў, атрымліваюць раненні.
Размовы ў акопах, размовы па рацыі адбываюцца пад гукі пастаянных стрэлаў — не суціхаюць яны нават на некалькі секундаў.
«Тут паранены. Трэба месца, каб я яго агледзела. У яго ногі ў крыві… Танчык, кладзіся, кладзіся! Мы ў акружэнні, па нас я****ць танкамі», — усклікае жанчына-ваенная і пры гэтым аказвае дапамогу параненаму.
Далей чуваць, як Сянцоў, пазыўны «Грунт», перадае па рацыі: «Міма нас праехалі 4 танкі, яны стралялі, але паехалі далей на жалязяку. Як прыняў?».
Пасля група прымае рашэнне адыходзіць: першыя шасцёра з параненым, астатнія сямёра прыкрываюць адыход і тады адыходзяць самі. На відэа кажуць, што трэба ісці да месца, дзе высаджваліся, гэта за 50 метраў, але папярэджваюць, што расейцы будуць страляць з усіх бакоў.
«Не, мужыкі, вы без мяне пойдзеце, я застаюся, бо гэта несур'ёзна. Я не выйду, Макс», — кажа адзін з байцоў.
«Мы цябе панясём… мы цябе вынесем… кулямёт кідаем, аўтамат я гэты забяру… ты цягнеш Алькаіду (параненага) дзвюма рукамі. Трымай, як бы ён ні крычаў. Цягнеш яго за рукі, не кідаеш», — кажа Сянцоў.
Відэа заканчваецца тым, што байцы разам з цяжкім параненым адыходзяць, выязджаюць з поля бою і перадаюць параненага медыкам, якія ўжо чакаюць іх на дарозе.
У гэтым канкрэтным баі ўсе ўкраінскія абаронцы засталіся жывыя.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары