Акцёра з Беларусі затрымалі ў Маскве, ён з нажом напаў на сваю дзяўчыну
У Маскве затрымалі акцёра тэатра «Ленком», ураджэнца Пінска Андрэя Гарыста. Паліцыю выклікала яго дзяўчына, якой ён у сварцы парэзаў руку нажом.
Паведамляецца, што ў акцёра знайшлі 167,05 грама марыхуаны ў кватэры.
Паводле звестак SHOT, напярэдадні каля 3 гадзін ночы 29-гадовая зорка фільма «Падольскія курсанты» Андрэй Гарыст адпачываў са сваёй 26-гадовай дзяўчынай у кватэры ў Маскве. Размаўлялі, выпілі, у нейкі момант сталі лаяцца. Па словах дзяўчыны, у парыве гневу Гарыст схапіў нож і парэзаў ёй руку.
Каханая акцёра спалохалася за сваё жыццё, выбегла з кватэры і патэлефанавала ў паліцыю. Супрацоўнікі, якія прыбылі на месца, выявілі ў кватэры артыста пяць падазроных упаковак з рэчывамі. Акцёр не змог растлумачыць супрацоўнікам, адкуль у яго марыхуана.
На Гарыста заведзена крымінальная справа па артыкуле «незаконныя набыццё, захоўванне, перавозка, выраб, перапрацоўка наркатычных сродкаў». Яму пагражае да 10 гадоў пазбаўлення волі. Цяпер артыст пад падпіскай аб нявыездзе.
Андрэй Гарыст нарадзіўся ў Пінску. Скончыў школу-студыю МХАТ у 2018 годзе. У 2018 годзе прыняты ў трупу «Ленкома». Грае ў спектаклях « Юнона і Авось», «Вар'яцкі дзень, або Жаніцьба Фігаро», «Прыбытковае месца», «Вішнёвы сад». Зняўся ў фільмах «Падольскія курсанты», «Ціхія воды — 2», «СССР».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары