Akciora ź Biełarusi zatrymali ŭ Maskvie, jon z nažom napaŭ na svaju dziaŭčynu
U Maskvie zatrymali akciora teatra «Lenkom», uradženca Pinska Andreja Harysta. Palicyju vyklikała jaho dziaŭčyna, jakoj jon u svarcy parezaŭ ruku nažom.
Paviedamlajecca, što ŭ akciora znajšli 167,05 hrama marychuany ŭ kvatery.
Pavodle źviestak SHOT, napiaredadni kala 3 hadzin nočy 29-hadovaja zorka filma «Padolskija kursanty» Andrej Haryst adpačyvaŭ sa svajoj 26-hadovaj dziaŭčynaj u kvatery ŭ Maskvie. Razmaŭlali, vypili, u niejki momant stali łajacca. Pa słovach dziaŭčyny, u paryvie hnievu Haryst schapiŭ nož i parezaŭ joj ruku.
Kachanaja akciora spałochałasia za svajo žyćcio, vybiehła z kvatery i patelefanavała ŭ palicyju. Supracoŭniki, jakija prybyli na miesca, vyjavili ŭ kvatery artysta piać padazronych upakovak z rečyvami. Akcior nie zmoh rastłumačyć supracoŭnikam, adkul u jaho marychuana.
Na Harysta zaviedziena kryminalnaja sprava pa artykule «niezakonnyja nabyćcio, zachoŭvańnie, pieravozka, vyrab, pierapracoŭka narkatyčnych srodkaŭ». Jamu pahražaje da 10 hadoŭ pazbaŭleńnia voli. Ciapier artyst pad padpiskaj ab niavyjeździe.
Andrej Haryst naradziŭsia ŭ Pinsku. Skončyŭ škołu-studyju MCHAT u 2018 hodzie. U 2018 hodzie pryniaty ŭ trupu «Lenkoma». Hraje ŭ śpiektaklach « Junona i Avoś», «Varjacki dzień, abo Žanićba Fiharo», «Prybytkovaje miesca», «Višniovy sad». Źniaŭsia ŭ filmach «Padolskija kursanty», «Cichija vody — 2», «SSSR».
-
Babula ź Minska pahavaryła ź inšaj babulaj pra mimozu — i straciła bolš za 10 tysiač rubloŭ
-
U Kyrhyzstanie na vyšyni 4500 mietraŭ znajšli rečy źnikłych biełaruskich alpinistaŭ
-
Rasijskaja piensijanierka pierakanała studenta, što na im śmiarotnyja suroki, i zabrała hrošy. A paśla čatyry hady chavałasia ŭ Biełarusi
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku9
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary