Бліны на аўсянай муцэ — рэцэпт і асаблівасці гатавання

У адрозненне ад звычайных, гэтыя бліны нізкакаларыйныя, але багатыя на клятчатку, а таксама ўтрымліваюць бялок і вітаміны — таму адчуванне сытасці і энергіі будзе значна даўжэйшым.

Разнастаіць жа аўсяны блін можна чым толькі пажадаеце: ад салодкіх ягад і джэмаў да сметанковага сыру і чырвонай рыбы.

Аўсяныя бліны на малацэ:

• 75 г аўсянкі (або вы можаце ўзяць аўсяную муку)
• 1 яйка
• 120 мл малака (можа быць аўсянае)
• масла/алей для смажання

Як гатаваць:

1. Дадайце ў блендар аўсяныя шматкі, яйка і 100 мл малака і ўзбіце да атрымання аднастайнай масы. Калі выкарыстоўваеце муку, узбіце яе з малаком і яйкам.
2. Сумесь павінна мець кансістэнцыю вяршкоў. Пры неабходнасці дадайце яшчэ крыху малака, каб зрабіць яе больш вадкай. Магчыма, вам прыйдзецца дадаць яшчэ крыху малака, калі вы пачняце гатаваць наступны блін.
3. Нагрэйце патэльню з антыпрыгарным пакрыццём на сярэднім агні. Калі патэльня нагрэецца, дадайце трохі алею/масла і выліце цеста на патэльню.
4. Гатуйце каля 2 хвілін, пакуль верхняя частка бліна не застыне, а ніжняя не стане лёгка аддзяляцца ад паверхні.
5. Перавярніце блін лапаткай і гатуйце на другім баку каля хвіліны. Блін павінен стаць злёгку залацісты.
6. Гатовыя бліны складзіце на цёплую талерку.

Аўсяныя бліны на ёгурце:

• 2 яйкі
• 3 сталовыя лыжкі несалодкага ёгурту
• 2/3 шклянкі аўсянкі
• 1 чайная лыжка соды
• масла для смажання

1. Здрабніце авёс з дапамогай блендара.
2. У місцы ўзбіце яйка з ёгуртам і дадайце соду. Затым усыпце аўсяную муку і дадайце сталовую лыжку вады.
3. Вышмаруйце маслам і нагрэйце патэльню з антыпрыгарным пакрыццём на нізкай ці сярэдняй тэмпературы.
4. Апалонікам выліце цеста для бліноў на патэльню і размяркуйце, пачынаючы з сярэдзіны, робячы кругі, якія становяцца ўсё большыя. Будзьце асцярожныя: калі бліны застынуць да таго, як вы скончыце, проста дайце ім прыгатавацца.
5. Як толькі пачнуць з'яўляцца бурбалкі і сярэдзіна будзе выглядаць гатовай, пачніце аддзяляць краі тонкай лапаткай, сачыце за тым, каб ніводная частка бліноў не прыліпла да паверхні.
6. Акуратна перавярніце і абсмажце з іншага боку да залацістага колеру.
7. Выкладзіце бліны на талерку і вышмаруйце маслам, потым складзіце іх адзін на адзін.

Чым разнастаіць аўсяныя бліны

Здробненымі запечанымі яблыкамі з карыцай, бананам і іншай садавіной ці ягадамі, салодкімі соусамі і джэмамі, шакаладнай ці арахісавай пастай.

У якасці салёных начынак могуць быць чырвоная ікра і чырвоная рыба, тварожны або сметанковы сыр, тушаныя грыбы ў смятане, гародніна, кансерваваны тунец з яйкамі і зелянінай.

Больш рэцэптаў:

Аўсянка можа быць асабліва карыснай вось з якімі дадаткамі

Рэцэпт на выхадныя. Чыпсы з гародніны — незвычайна, проста і эканомна

Ідэальны гарнір — капуста, запечаная з соусам тахіні

Гэтыя прадукты не варта разаграваць на наступны дзень. З’ежце іх адразу ці выкіньце

• 7
• 0
• 1
• 0
• 1
• 0
• 3
• 0