«Мы параіліся, і я вырашыў». У Гомелі даведаліся думку жыхароў адносна назвы прыпынку, а пасля яе проста праігнаравалі
У кастрычніку 2023 года тэлеграм-канал старшыні Гомельскага гарвыканкама Уладзіміра Прывалава зладзіў галасаванне аб прысваенні назвы новаму прыпынку ў Навабеліцкім раёне. Гульня ў дэмакратыю мела дзіўны вынік, піша «Флагшток».
Па выніках галасавання 65% выказаліся супраць назвы ў камуністычным стылі: «8-ы завулак Ільіча». Усяго прагаласавалі больш за 3000 грамадзян.
Але ў студзені Гомельскі гарвыканкам прыняў рашэнне прысвоіць прыпынку назву, супраць якой рашуча выказаліся апытаныя. Рашэнне было апублікавана ў сярэдзіне лютага.
Каментары