Прарасійскія актывісты спрабавалі накруціць галасы супраць імёнаў выбітных беларусаў
За пару гадзін беларусы абнулілі вынікі іхняй працы за апошнія пяць дзён.
14 лютага ў тэлеграм-канале «Белоруска «топит» з’явіўся допіс з пра тое, што адміністрацыя Ленінскага раёна Мінска вынесла на абмеркаванне пытанне наймення прыпынкаў грамадскага транспарту. Прарасійскую актывістку не задаволіла тое, што былі прапанаваныя імёны кампазітара Станіслава Манюшкі і географа Аркадзя Смоліча, у гонар якіх названыя суседнія вуліцы.
«І калі першы проста беларуска-польскі кампазітар, хоць і беларускага ў ім [толькі тое], што нарадзіўся [тут], то другі адзін з кіраўнікоў БНР», — абурылася прарасійская актывістка.
Супраць трэцяй прапанаванай асобы, кінарэжысёра Віктара Турава, актывістка нічога супраць не мела.
Тэлеграм-канал заклікаў сваіх прыхільнікаў галасаваць супраць Манюшкі і Смоліча. Яе заклік перапосціла і Вольга Бондарава.
За гэтыя дні ім удалося сабраць больш за тысячу галасоў супраць, што складала каля 81% ад агульнай колькасці галасоў.
Сёння на дзіўнае галасаванне звярнулі ўвагу ў сацыяльных сетках, палічыўшы, што галасы свядома накручваліся дзеля патрэбнага выніку.
Падазронымі выглядалі аднолькавыя працэнты галасоў супраць, чаго звычайна не бывае ні ў якіх галасаваннях па любой тэме, а таксама надзвычайная цікаўнасць да галасавання, дзе ўсяго толькі пыталіся меркавання наконт назвы прыпынкаў на праектаваных вуліцах, размяшчэнне якіх нікому не вядомае. Звычайна апытанкі па больш вострых тэмах на дзяржаўных сайтах не набіраюць і пары соцень галасоў.
Абураныя беларусы заклікалі галасаваць за імёны Манюшкі і Смоліча, каб не даць падняць беларусафобам галавы ў краіне.
За некалькі гадзін перавага на сайце змянілася — цяпер больш за 50% галасоў падтрымліваюць назвы прыпынкаў у гонар славутых беларусаў. Галасаванне працягваецца.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары