Свет33

«Еўропа выгнала шпіёнаў Уладзіміра Пуціна. Цяпер яны вяртаюцца» — The Financial Times

Расія актыўна аднаўляе шпіёнскую вайну з Захадам. Прыярытэты засталіся тымі ж, але метады сталі больш вынаходлівымі.

Владимир Путин проводит заседание Совета безопасности Уладзімір Пуцін вядзе пасяджэнне Савета бяспекі Vladimir Putin chairs the Security Council meeting
Уладзімір Пуцін праводзіць пасяджэнне Рады бяспекі Расіі. 13 лютага 2024 года. Фота: Alexander Kazakov, Sputnik, Kremlin Pool Photo via AP

Супрацоўнікі заходняй разведкі і аналітыкі, з якімі ўдалося пагаварыць журналістам The Financial Times, адзначаюць відавочную актывізацыю разведвальных аперацый пад кіраўніцтвам Крамля. Гэта сведчыць пра адраджэнне ўпэўненасці расійскіх шпіёнаў пасля зневажальных няўдач, з якімі яны сутыкнуліся ў пачатку 2022 года.

«Гульня ў кошкі-мышкі аднавілася», — цытуе The Financial Times аднаго з супрацоўнікаў заходняй разведкі. «Актыўнасць Расіі такая ж высокая ці нават вышэйшая, чым у часы халоднай вайны», — спасылаецца выданне на словы іншага.

Расійскія спецслужбы — ГРУ, ФСБ і СЗР — перагрупаваліся і перабудавалі сваю шпіёнскую працу. Прыярытэты засталіся тымі ж, што і да канфлікту ва Украіне — выкрасці заходнія сакрэты, узмацніць рознагалоссі ўнутры НАТА і падарваць падтрымку Украіны. Аднак метады сталі больш вынаходлівымі, каб кампенсаваць разбураную шпіёнскую сетку ў Еўропе і абысці абмежаванні на працу расіян на кантыненце.

Змяненні ў працы разведкі

Адной з самых значных змен у дзейнасці Крамля стала больш актыўнае выкарыстанне такіх суб'ектаў разведвальнай дзейнасці, як пасярэднікі (у артыкуле яны названыя «проксі» — НН). Да вайны заходнія агенцтвы ў асноўным мелі справу з расійскімі аперацыямі, якія праводзіліся расійскімі грамадзянамі па ўсёй Еўропе. Сёння гэта, магчыма, ужо не так.

У расійскіх таемных аперацыях зараз задзейнічаны шэраг замежных грамадзян са сферы палітыкі, бізнэсу і арганізаванай злачыннасці.

«[Пасярэднікі] могуць не ведаць, што працуюць на рускіх, яны могуць быць злачынцамі ці проста людзьмі, якім плацяць», — цытуе выданне словы аднаго з супрацоўнікаў заходняй разведкі.

Крэмль аказвае ціск на расійскіх эмігрантаў, каб прыцягнуць іх на свой бок. Гэта тычыцца як палітычных апанентаў, так і іншых асоб, якія пакінулі Расію пасля лютага 2022 года. Крэмль імкнецца кааптаваць іх, каб выкарыстоўваць у сваіх інтарэсах.

На думку аналітыкаў разведкі і дзевяці чыноўнікаў, апытаных журналістамі, для расійскіх шпіёнскіх службаў правядзенне аперацый на адлегласці з выкарыстаннем пасярэднікаў і свежазавербаваных давераных асоб мае свае плюсы і мінусы.

З аднаго боку, зʼяўляецца больш магчымасцяў для адмаўлення віны. Пасярэднікі таксама могуць быць эфектыўныя для такіх аперацый, як крадзеж гандлёвых сакрэтаў, стварэнне экспартных схем, якія абыходзяць санкцыі, або пранікненне ў кампʼютарныя сеткі.

Напрыклад, USB-назапашвальнік, падлучаны да кампʼютара прыбіральшчыкам офісу, можа даставіць не менш каштоўныя звесткі за тыя, што атрыманы ад чалавека, якога гадамі культываваў «нелегальны» куратар.

Аднаўленне агентурнай сеткі

Але аператыўная бяспека можа быць недастаткова арганізаванай, а пасярэднікаў цяжка кантраляваць без агента на месцы, які б імі кіраваў.

Для вырашэння гэтай праблемы ГРУ пачала вербаваць агентаў без вайсковай адукацыі, каб яны незаўважанымі пранікалі ў мэтавыя краіны і ўстанаўлівалі асабістыя кантакты, гаворыцца ў нядаўнім дакладзе лонданскага аналітычнага цэнтру Royal United Services Institute.

Аўтары артыкула адзначаюць, што ў нейкай ступені старая мадэль «легальных» расійскіх шпіёнаў, якія працуюць праз пасольствы, усё яшчэ захоўваецца ў традыцыйна нейтральных краінах, такіх як Аўстрыя і Швейцарыя.

Прадстаўнікі службаў бяспекі абедзвюх краін заявілі, што каля 150 вядомых расійскіх агентаў усё яшчэ працуюць там пад дыпламатычным прыкрыццём. Паводле ацэнкі іншага супрацоўніка разведкі з іншай краіны, амаль трэць расійскіх разведвальных аперацый на кантыненце ў цяперашні час ажыццяўляецца з «бяспечных цэнтраў» Вены і Жэневы.

Акрамя таго, расійскія шпіёны ўзмацнілі свае базы за межамі Шэнгенскай зоны. Турцыя і Абʼяднаныя Арабскія Эміраты сталі важнымі плацдармамі для расійскіх разведвальных аперацый у Еўропе. Некалькі высланых расійскіх агентаў таксама пераехалі ў сталіцу Сербіі Бялград, бо сербы падтрымліваюць добрыя адносіны з Масквой.

Выданне адзначае, што немагчыма прадбачыць, наколькі эфектыўнымі будуць абноўленыя расійскія метады шпіянажу.

З аднаго боку, рост аўтарытарызму Пуціна стварыў «схаваную хвалю незадаволенасці» ў расійскіх службах бяспекі і «стварыў магчымасць вярбоўкі, якая выпадае раз у пакаленне», — цытуюць аўтары слова кіраўніка ЦРУ Уільяма Бэрнса.

З іншага боку, высылка расійскіх дыпламатаў магла ўскладніць працу контрразведкі, паколькі заходнія агенцтвы раней ведалі, хто з дыпламатаў зʼяўляецца шпіёнам, і маглі адсочваць, з кім яны сустракаюцца, і патэнцыйна вербаваць іх.

Пасля лютага 2022 года заходнія агенцтвы актывізавалі супрацоўніцтва, стварыўшы сетку баз даных і сувязяў для выяўлення расійскіх аператыўнікаў. Тым не менш, часам расійская разведвальная машына дабіваецца ўражлівых поспехаў. Свежы прыклад — уцечка размовы высокапастаўленых афіцэраў ВПС Германіі.

Чытайце яшчэ:

ФСБ завербавала дэпутатку Еўрапарламента ад Латвіі

Як расійская разведка змагла перахапіць размову нямецкіх афіцэраў?

У Польшчы за 14 месяцаў затрыманыя 22 шпіёны з Беларусі і Расіі

Каментары3

  • Кастусь
    06.03.2024
    Напрыклад, USB-назапашвальнік, падлучаны да кампʼютара

    ============
    а вообще про компьютерную безопасность слышали что нибудь? юсб порты отключают в первую очередь
  • Spy
    07.03.2024
    Абавязкова вернемся!
  • Зянон
    07.03.2024
    Нікуды яны не сыходзілі

Цяпер чытаюць

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі2

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі

Усе навіны →
Усе навіны

У Індыі разбіўся пасажырскі самалёт. На борце былі 242 чалавекі

Зоаабаронцы напісалі заяву на гаспадара дома, на канапе якога памёр лось17

«Кожны раз даказваю, што я чалавек». Сям'я беларусаў з польскімі каранямі чатыры гады спрабуе атрымаць ДНЖ у Польшчы13

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком7

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё26

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек8

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

больш чытаных навін
больш лайканых навін

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі2

Ізраіль нанёс удары па Іране. Загінуў кіраўнік Корпуса вартавых ісламскай рэвалюцыі

Галоўнае
Усе навіны →

Заўвага:

 

 

 

 

Закрыць Паведаміць