Расійскія спецслужбы спрабуюць нарасціць маштаб укаранення ў Польшчы. Яны спрабуюць вербаваць новых агентаў.
Польшча за 14 месяцаў затрымала 22 шпіёнаў з Беларусі і Расіі. Такія звесткі прывёў прадстаўнік міністра-каардынатара спецслужбы Станіслаў Жарын.
«Цяпер мы бачым узмацненне беларускіх і расійскіх службаў, што пацвярджаюць лічбы — цягам апошніх 14 месяцаў мы затрымалі 22 шпіёнаў з гэтых дзвюх краін», — цытуе словы Жарына Reform.by.
Расійскія спецслужбы спрабуюць нарасціць маштаб укаранення ў Польшчы. Яны спрабуюць вербаваць новых агентаў. У тым ліку таму ў сакавіку 2022 года былі выправаджаныя з краіны 45 расійскіх дыпламатаў.
«Гэта былі людзі, якія праводзілі рознага роду разведвальныя мерапрыемствы ў нашай краіне. Калі іх не стала, Крамлю давялося шукаць новыя спосабы працы. Тыя людзі, якіх мы затрымалі апошнімі месяцамі, былі толькі праявай гэтага», — дадаў ён.
Нагадаем, сёлета польскія спецслужбы заявілі, што разграмілі расійскую шпіёнскую сетку. Па справе былі затрыманыя 15 грамадзян Беларусі, Расіі і Украіны. Паводле версіі польскага боку, яны вялі назіранне за ваеннымі аб'ектамі, інфраструктурай і нават рыхтавалі дыверсіі на чыгунцы, накіраваныя супраць паставак ва Украіну ваенных і гуманітарных грузаў.
Жарын лічыць, што Расія паспрабуе ўздзейнічаць на парламенцкія выбары ў Польшчы, у тым ліку з дапамогай прапаганды, розных акцый, напрыклад, стымулюючы міграцыйныя патокі праз мяжу з Беларуссю.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары