25 сакавіка ў Пастаўскім раёне загінуў вайсковец тэрміновай службы Мікіта Літвіновіч, даведалася «Люстэрка». Паводле інфармацыі крыніц выдання, ён здзейсніў суіцыд. Хлопца пахавалі 27 сакавіка ў Паставах.
Літвіновіч служыў памочнікам гранатамётчыка 19-й асобнай гвардзейскай механізаванай брыгады, дыслакаванай у вёсцы Заслонава Віцебскай вобласці. У сярэдзіне сакавіка брыгаду адправілі бліжэй да літоўскай мяжы ў рамках праверкі боегатоўнасці.
«Камандзіры не паведамілі бацькам ніякіх падрабязнасцяў. Бацьку ўдалося толькі даведацца, што разам са сваімі калегамі Мікіта «прыехаў на пункт», выйшаў пакурыць і застрэліўся», — расказала выданню крыніца.
Са слоў суразмоўцы, перадумоў да самагубства ў Мікіты не было, ён «заўсёды трымаўся на пазітыве».
Мікіта Літвіновіч нарадзіўся ў 2003 годзе ў Паставах. У 2022 годзе скончыў Пастаўскі дзяржаўны каледж па спецыяльнасці «тэхнічнае забеспячэнне сельскагаспадарчых работ. Эксплуатацыя і рамонт аўтамабіляў». Восенню 2022 года яго прызвалі ў армію.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
Вам бы таксама раіў падумаць
1) У войску цяпер няўстаўняку амаль няма. Наўрадці ён страляўся праз яго, хаця імавернасць ёсць.
2) Прызываўся ў 2022 годзе. Значыць, трэці перыяд, дэмбель. Ён сам ужо ў прывілегіяваным становішчы. Яму праз месяц дадому.
Значыць, хутчэй за ўсё, асабістае. Можа, дзяўчына