25 sakavika ŭ Pastaŭskim rajonie zahinuŭ vajskoviec terminovaj słužby Mikita Litvinovič, daviedałasia «Lusterka». Pavodle infarmacyi krynic vydańnia, jon ździejśniŭ suicyd. Chłopca pachavali 27 sakavika ŭ Pastavach.
Litvinovič słužyŭ pamočnikam hranatamiotčyka 19-j asobnaj hvardziejskaj miechanizavanaj bryhady, dysłakavanaj u vioscy Zasłonava Viciebskaj vobłaści. U siaredzinie sakavika bryhadu adpravili bližej da litoŭskaj miažy ŭ ramkach pravierki bojehatoŭnaści.
«Kamandziry nie paviedamili baćkam nijakich padrabiaznaściaŭ. Baćku ŭdałosia tolki daviedacca, što razam sa svaimi kalehami Mikita «pryjechaŭ na punkt», vyjšaŭ pakuryć i zastreliŭsia», — raskazała vydańniu krynica.
Sa słoŭ surazmoŭcy, pieradumoŭ da samahubstva ŭ Mikity nie było, jon «zaŭsiody trymaŭsia na pazityvie».
Mikita Litvinovič naradziŭsia ŭ 2003 hodzie ŭ Pastavach. U 2022 hodzie skončyŭ Pastaŭski dziaržaŭny kaledž pa śpiecyjalnaści «techničnaje zabieśpiačeńnie sielskahaspadarčych rabot. Ekspłuatacyja i ramont aŭtamabilaŭ». Vosieńniu 2022 hoda jaho pryzvali ŭ armiju.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Vam by taksama raiŭ padumać
1) U vojsku ciapier niaŭstaŭniaku amal niama. Naŭradci jon stralaŭsia praź jaho, chacia imaviernaść jość.
2) Pryzyvaŭsia ŭ 2022 hodzie. Značyć, treci pieryjad, dembiel. Jon sam užo ŭ pryvilehijavanym stanoviščy. Jamu praź miesiac dadomu.
Značyć, chutčej za ŭsio, asabistaje. Moža, dziaŭčyna