Найлепшая праца ў свеце? Кампанія шукае тэсціроўшчыка люксавых нумароў атэляў
Патрабаванні да кандыдатаў не складаныя. Можна ўзяць з сабою сябра.
Як бы хто не любіў сваю працу, але перыядычна яго наведваюць думкі аб тым, што ёсць і лепшыя месцы. Прапанова ад брытанскай кампаніі Velloy абяцае, як мінімум, выдатныя ўмовы працы.
«Вы той, хто атрымлівае асалоду ад ежы, падарожжаў і выдатных рэчаў у жыцці? У вас ёсць прага да падарожжаў, вытанчаны густ і ўважлівасць да дэталяў? Калі так, то ў нас ёсць прапанова для вас», — паведамляецца ў абвестцы аб вакансіі, размешчаным на сайце кампаніі.
У абавязкі «эксперта абслугоўвання нумароў класа люкс» уваходзіць ацэнка эфектыўнасці абслугоўвання нумароў, аналіз разнастайнасці і якасці страваў, што прапануюцца, ацэнка здольнасці службы атэля задаволіць разнастайныя дыетычныя запатрабаванні кліентаў (наяўнасць безглютэнавых, вегетарыянскіх і веганскіх страваў).
Эксперт павінен будзе штомесяц даваць ацэнку як мінімум чатырох атэляў. У сваіх аглядах яму неабходна будзе прадстаўляць падрабязныя апісанні і фота кожнай стравы, дзяліцца на форумах і ў блогах кампаніі парадамі і рэкамендацыямі для падарожнікаў.
Якія атэлі і калі наведваць, будзе залежаць толькі ад самога эксперта. Кандыдаты павінны мець дзейсны замежны пашпарт, выдатна валодаць англійскай мовай, умець рабіць якасныя фотаздымкі, мець «прагу да падарожжаў, ежы і раскошных уражанняў», а таксама быць старэйшымі за 21 год.
Кампанія абяцае заробак у 50 тысяч фунтаў стэрлінгаў у год. Акрамя пакрыцця выдаткаў на пражыванне, працадаўца гарантуе аплату і іншых выдаткаў. Сюды ўваходзіць праезд першым класам, ежа і напоі ў атэлі, а таксама кішэнныя грошы на тое, каб вывучыць месца, у якім знаходзіцца атэль.
Пры гэтым эксперту не абавязкова падарожнічаць самотна, можна ўзяць з сабою свайго партнёра. Кампанія абяцае пакрыць усе яго выдаткі.
Калі вы лічыце, што гэта праца для вас, то паспяшайцеся. Падаць заяўку можна да 9 мая.
Чытайце яшчэ:
«Гэта яе штодзённая праца». Айцішнік плаціць сваёй жонцы штомесячны заробак
Бабруйская ветэрынарка паказала, як выглядае праца мары ФОТАФАКТ
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў93
Каментары