Ксенія Лебедзева прызнала, што адказы спявачкі Мэрыем у інтэрв'ю на Валадарцы перазапісвалі восем разоў
У выпуску на ютуб-канале «Жыццё-маліна» спявачка і былая палітзняволеная Мэрыем Герасіменка расказала, што ў СІЗА дала інтэрв'ю Ксеніі Лебедзевай з БТ, якое не паказалі. Лебедзеву гэта, падобна, зачапіла, і яна вырашыла выкласці некалькі момантаў з таго інтэрв'ю.
Інтэрв'ю запісвалася 23 снежня 2022 года. На кадрах бачна, як адвакатка падказвае Мэрыем, што лепш адказаць. Спявачка просіць яшчэ раз паўтарыць Лебедзеву яе пытанне, а пасля спрабуе сфармуляваць адказ.
Лебедзева гаворыць, што інтэрв'ю перазапісвалі «разоў восем». Чаму яно так і не выйшла, прапагандыстка не тлумачыць.
У інтэрв'ю журналісту Мікіце Мелказёраву Мэрыем казала, што на запісе таго інтэрв'ю сядзелі таксама супрацоўнікі пракуратуры. Адказы яны рыхтавалі з адвакаткай. Спявачка лічыць, што інтэрв'ю не выйшла ў эфір, бо ім мог не спадабацца яе адказ на пытанне: «Як вы ставіцеся да апазіцыі ў Беларусі?» (Лебедзева гэта пытанне не паказала).
«Я сказала, што ў кожнай дзяржаве, якая развіваецца, павінна быць канструктыўная апазіцыя. … Гэта вядзе грамадства да развіцця. Не можа быць аднаго погляду на рэчы, падзеі. У людзей павінна быць права выбару», — дзялілася Герасіменка, што адказвала на гэтае пытанне.
Спявачка адзначала, што адказвала на пытанні з улікам сваіх інтарэсаў — гэта была магчымасць выйсці з-за кратаў. У выніку Мэрыем атрымала тры гады хатняй хіміі.
«Пратасевічам я не буду». Спявачка Мэрыем у СІЗА дала інтэрв'ю Ксеніі Лебедзевай — але яго так і не паказалі
Спявачку Мэрыем затрымлівалі губазікаўцы. «Пасля маімі карткамі расплачваліся два месяцы — амаль 900 еўра»
Спявачка і былая палітзняволеная Мэрыем Герасіменка выйшла замуж
Мэрыем Герасіменка расказала, што выходзіць замуж за хлопца, якога дэпартавалі з Беларусі
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19
Каментары