Спявачка і былая палітзняволеная Мэрыем Герасіменка выйшла замуж
Вяселле адбылося ў Тбілісі 4 красавіка.
У Грузію Мэрыем, якая атрымала тры гады хатняй хіміі за песню «Океана Эльзи», эвакуявалася ў студзені 2024 года.
Раней спявачка крыху расказвала пра свайго абранніка. Хлопца завуць Антон, паўтара года таму яго дэпартавалі з Беларусі за адмову ад дачы на Мэрыем хлуслівых паказанняў, што нібыта сродкі, атрыманыя з яе канцэрту ў мінскім бары «Банки-бутылки» ў жніўні 2022 года, былі пералічаныя на спансаванне і фінансаванне Узброеных сіл Украіны.
Антона збівалі чатыры губазікаўцы, зачыніўшы ў кабінеце, «да фіялетавых ног», а саму Мэрыем у гэты час пасадзілі каля дзвярэй, каб яна ўсё чула. Урэшце выбіць нічога не ўдалося, і на судзе спявачцы гэта абвінавачанне не ставілі.
Хлопцу ж, які мае расійскае грамадзянства, але з дзевяцігадовага ўзросту жыве ў Беларусі, пасля «намалявалі» чатыры запар адміністрацыйныя парушэнні, за кожнае з якіх ён адсядзеў па 15 сутак. А калі гэтыя два месяцы скончыліся, Антона адразу адправілі ў аэрапорт і дэпартавалі з Беларусі на 10 гадоў.
Мэрыем Герасіменка расказала, што выходзіць замуж за хлопца, якога дэпартавалі з Беларусі
«Майго маладога чалавека нацягнулі ластаўкай, збівалі, бо ён адмаўляўся даваць на мяне паказанні». Спявачка Мэрыем Герасіменка расказала пра сваё затрыманне
«Сіл усім, для каго гэтая гісторыя акажацца асабістай». Мэрыем Герасіменка прэзентавала песню, якую напісала ў СІЗА
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19
Каментары
Няхай жывуць шчасліва!