У Еўрасаюзе выявілі буйную сетку нелегальнай перапраўкі мігрантаў з Беларусі і Расіі
У Еўрасаюзе правялі маштабную аперацыю па выяўленні сеткі, якая займалася перавозкай мігрантаў з Беларусі і Расіі ў ЕС. Пра гэта піша Reform.news на падставе паведамлення прэс-службы Еўрапола.
У аперацыі ўдзельнічалі спецслужбы Эстоніі, Фінляндыі, Германіі, Латвіі, Літвы, Нідэрландаў, Польшчы і Швецыі. Усяго еўрапейскія праваахоўнікі арыштавалі 21 чалавека. Еўрапол піша, што ў асноўным гэта грамадзяне Егіпта, Ірака і Сірыі.
Усяго ператрусы правялі па 24 адрасах.
«Канфіскаваныя транспартныя сродкі, залатыя ўпрыгожанні, электроннае абсталяванне, падробленыя дакументы, машынкі для падліку грошай, наркотыкі, кантрафактныя цыгарэты і 80 тысяч еўра наяўнымі», — паведамляе Еўрапол.
Сетка перапраўляла мігрантаў з Ірака і Сірыі ў ЕС праз Расію і Беларусь, — так званы паўночна-балтыйскі маршрут. Канцавымі пунктамі маршрутаў былі Германія і Вялікабрытанія.
Падазраваныя выкарыстоўвалі легкавыя аўтамабілі, фургоны, пікапы і іншыя транспартныя сродкі, прызначаныя для перавозкі грузаў. Уезд у Еўрасаюз каштаваў 3000-5000 еўра за чалавека.
Вялікабрытанія будзе дэпартаваць усіх нелегальных мігрантаў у экватарыяльную Афрыку
У Польшчы за выхадныя зафіксавалі 669 спробаў прарыву з Беларусі мігрантаў
Больш за 600 мігрантаў спрабавалі нелегальна перасекчы беларуска-польскую мяжу
«Дзясяткамі выкідваюць трупы цераз мяжу». Пра што Лукашэнка сёння расказваў Пуціну
Цяпер чытаюць
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»15
Каментары