Без лімузінаў і дыджэяў, але з Годам якасці. Пасля заўвагі Лукашэнкі ў Мінску забаранілі «залішнюю раскошу» на выпускных
А яшчэ абяцаюць інтэграваць у праграму ідэалогію.
Камітэт па адукацыі Мінгарвыканкама падрыхтаваў рэкамендацыі па правядзенні выпускных вечароў. Сталічныя чыноўнікі аператыўна адрэагавалі на незадаволенасць Аляксандра Лукашэнкі лімузінамі на школьных балях.
Старшыня камітэта Андрэй Стрыгельскі распавёў, што «неабгрунтаваныя празмернасці, якія мяжуюць з раскошай, недарэчныя». Паводле яго слоў, лімузінаў пры арганізацыі выпускных у Мінску ніхто не плануе.
«Сёння ўстановы адукацыі актыўна рыхтуюцца да ўрачыстасці, і ніякіх лімузінаў ніхто не плануе. Безумоўна, бацькі праяўляюць пэўную ініцыятыву. Наша задача — не дапусціць неабгрунтаваных збораў грашовых сродкаў на правядзенне выпускных вечароў.
Гэтыя рэчы кантралююцца кіраўніцтвам школ, праводзіцца адпаведная праца з бацькоўскім, апякунскім камітэтамі. Выпускны вечар не павінен рабіцца мерапрыемствам, затратным для сямейнага бюджэту», — цытуюць Стрыгельскага «Мінск-Навіны».
Чыноўнік адзначыў, што прыцягваць артыстаў і дыджэяў на выпускныя таксама не трэба, таму што яны «не ведаюць традыцый школы, ні дзяцей, ні педагогаў, таму не змогуць стварыць душэўную атмасферу». Пры гэтым Стрыгельскі сцвярджае, што «ніякіх забаронаў няма, але ёсць рэкамендацыі».
Урачыстую частку выпускных, адзначае чыноўнік, неабходна паставіць на ідэалагічную аснову. Сваё адлюстраванне атрымаюць тэмы 80-годдзя вызвалення Беларусі і Года якасці.
Аляксандр Лукашэнка, наведваючы Касцюковіцкі раён, запатрабаваў «узяць пад строгі кантроль» правядзенне выпускных у краіне. Ён абурыўся тым, што некаторыя прыязджаюць на выпускныя на лімузінах, што, на яго думку, адлюстроўвае маёмаснае расслаенне.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?5
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі99
Каментары