Bieź limuzinaŭ i dydžejaŭ, ale z Hodam jakaści. Paśla zaŭvahi Łukašenki ŭ Minsku zabaranili «zališniuju raskošu» na vypusknych
A jašče abiacajuć intehravać u prahramu ideałohiju.
Kamitet pa adukacyi Minharvykankama padrychtavaŭ rekamiendacyi pa praviadzieńni vypusknych viečaroŭ. Staličnyja čynoŭniki apieratyŭna adreahavali na niezadavolenaść Alaksandra Łukašenki limuzinami na školnych balach.
Staršynia kamiteta Andrej Stryhielski raspavioŭ, što «nieabhruntavanyja praźmiernaści, jakija miažujuć z raskošaj, niedarečnyja». Pavodle jaho słoŭ, limuzinaŭ pry arhanizacyi vypusknych u Minsku nichto nie płanuje.
«Siońnia ŭstanovy adukacyi aktyŭna rychtujucca da ŭračystaści, i nijakich limuzinaŭ nichto nie płanuje. Biezumoŭna, baćki prajaŭlajuć peŭnuju inicyjatyvu. Naša zadača — nie dapuścić nieabhruntavanych zboraŭ hrašovych srodkaŭ na praviadzieńnie vypusknych viečaroŭ.
Hetyja rečy kantralujucca kiraŭnictvam škoł, pravodzicca adpaviednaja praca z baćkoŭskim, apiakunskim kamitetami. Vypuskny viečar nie pavinien rabicca mierapryjemstvam, zatratnym dla siamiejnaha biudžetu», — cytujuć Stryhielskaha «Minsk-Naviny».
Čynoŭnik adznačyŭ, što pryciahvać artystaŭ i dydžejaŭ na vypusknyja taksama nie treba, tamu što jany «nie viedajuć tradycyj škoły, ni dziaciej, ni piedahohaŭ, tamu nie zmohuć stvaryć dušeŭnuju atmaśfieru». Pry hetym Stryhielski śćviardžaje, što «nijakich zabaronaŭ niama, ale jość rekamiendacyi».
Uračystuju častku vypusknych, adznačaje čynoŭnik, nieabchodna pastavić na ideałahičnuju asnovu. Svajo adlustravańnie atrymajuć temy 80-hodździa vyzvaleńnia Biełarusi i Hoda jakaści.
Alaksandr Łukašenka, naviedvajučy Kaściukovicki rajon, zapatrabavaŭ «uziać pad strohi kantrol» praviadzieńnie vypusknych u krainie. Jon aburyŭsia tym, što niekatoryja pryjazdžajuć na vypusknyja na limuzinach, što, na jaho dumku, adlustroŭvaje majomasnaje rassłajeńnie.
Ciapier čytajuć
Što Babaryka i Kaleśnikava adkazali na pytańni pra vajnu85
Kamientary