Стваральнік Mr.Freeman Павел Мунцян расказаў пра сваё незвычайнае знаёмства з інвестарам Віктарам Пракапенем.
У новым выпуску ютуб-праекта «Ператрэм з Халезіным» расійскі мультыплікатар і прадзюсар, адзін са стваральнікаў Mr.Freeman і «замежны агент», на якога ў Расіі завялі справу аб фэйках, Павел Мунцян падзяліўся абставінамі першай сустрэчы з вядомым беларускім ІТ-прадпрымальнікам і інвестарам Віктарам Пракапенем.
Мунцян тады быў у Мінску і павінен быў выступаць на «Мінск-арэне». Яго суправаджала дзяўчына, якую ён папрасіў куды-небудзь адвесці паесці.
«Яна сказала, што ёсць выдатнае месца. І прыводзіць у сапраўды класнае месца. Мы заходзім у рэстаран. Стаіць мужык у касцюме пры ўваходзе. Я яму гавару: «А пасадзіце нас куды-небудзь». Ён кажа: «А колькі вас чалавек?» Я адказваю: «Двое».
Ён нас праводзіць і кажа: «Вось столік на дваіх». Мы селі і ён сыходзіць. А мне потым дзяўчына гаворыць: «А ты ведаеш, хто гэта быў? Гэта Віктар Пракапеня!»
Я іду да яго. Мы з ім павіталіся. Я кажу: «А чаго вы тут стаіце?» А ён адказвае: «Я ў прыбіральню чаргу чакаю».
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары