Пра затрыманне ксяндзоў-аблатаў з Шуміліна Паўла Лемеха і Анджэя Юхневіча стала вядома 9 мая 2024 года. Павел Лемех праз 14 сутак выйшаў на волю, а цяпер «Хрысціянская візія» даведалася, у чым яго абвінавачвалі.
10 мая над ксяндзом Паўлам Лемехам адбыўся суд па арт. 23.34 КаАП («несанкцыянаванае пікетаванне»).
На думку сілавікоў, якія складалі пратакол, яно выявілася ў тым, што святар размясціў у сваім фэйсбуку-профілі «без адпаведнага дазволу Шумілінскага раённага выканаўчага камітэта» выяву пратэстаў у Мінску са сцягамі бел-чырвона-белага колеру, а таксама сцяга Украіны блакітна-жоўтага колеру. За гэта святар і быў затрыманы, як сцвярджаецца ў пратаколе, 9 мая ў 22.15.
Лемех патлумачыў, што размяшчэннем фатаграфіі на бел-чырвона-белым фоне не выказваў грамадска-палітычныя інтарэсы, а сцяг Украіны размясціў, каб выказаць смутак з нагоды гібелі мірных людзей.
Тым не менш, суддзя Першамайскага раёна горада Віцебска Алена Жук палічыла, што «правапарушэнне», здзейсненае ксяндзом, адносіцца да катэгорыі грубых і накіравана на «дэстабілізацыю абстаноўкі ў грамадстве і дзяржаве».
Улічыўшы, што айцец Павел Лемех ужо падвяргаўся адміністрацыйным спагнанням, суддзя прысудзіла яго да арышту тэрмінам на 10 сутак.
Як вядома, пасля адбыцця 10 сутак святар зноў быў затрыманы і правёў за кратамі яшчэ чатыры дні.
Пра вызваленне іншага шумілінскага ксяндза Анджэя Юхневіча, затрыманага адначасова з Паўлам Лемехам, інфармацыі ў публічнай прасторы пакуль не было. Па стане на 28 мая ён працягваў знаходзіцца ў следчым ізалятары.
Святара з Шуміліна Паўла Лемеха выпусцілі на волю
Каталіцкага святара з Шуміліна не выпусцілі пасля 10 сутак, судзілі паўторна
Сталі вядомы прысуды святарам з Шуміліна
Святароў з Шуміліна судзілі дыстанцыйна, а затрымалі не толькі іх
Каталіцкіх святароў у Шуміліне затрымалі нібыта за «дыверсійную дзейнасць на шкоду беларускай дзяржаве»
У Шуміліне затрымалі двух каталіцкіх клірыкаў
Цяпер чытаюць
Што Бабарыка і Калеснікава адказалі на пытанні пра вайну97
Каментары