Pra zatrymańnie ksiandzoŭ-abłataŭ z Šumilina Paŭła Lemiecha i Andžeja Juchnieviča stała viadoma 9 maja 2024 hoda. Pavieł Lemiech praz 14 sutak vyjšaŭ na volu, a ciapier «Chryścijanskaja vizija» daviedałasia, u čym jaho abvinavačvali.
10 maja nad ksiandzom Paŭłam Lemiecham adbyŭsia sud pa art. 23.34 KaAP («niesankcyjanavanaje pikietavańnie»).
Na dumku siłavikoŭ, jakija składali pratakoł, jano vyjaviłasia ŭ tym, što śviatar raźmiaściŭ u svaim fejsbuku-profili «biez adpaviednaha dazvołu Šumilinskaha rajonnaha vykanaŭčaha kamiteta» vyjavu pratestaŭ u Minsku sa ściahami bieł-čyrvona-biełaha koleru, a taksama ściaha Ukrainy błakitna-žoŭtaha koleru. Za heta śviatar i byŭ zatrymany, jak śćviardžajecca ŭ pratakole, 9 maja ŭ 22.15.
Lemiech patłumačyŭ, što raźmiaščeńniem fatahrafii na bieł-čyrvona-biełym fonie nie vykazvaŭ hramadska-palityčnyja intaresy, a ściah Ukrainy raźmiaściŭ, kab vykazać smutak z nahody hibieli mirnych ludziej.
Tym nie mienš, sudździa Pieršamajskaha rajona horada Viciebska Alena Žuk paličyła, što «pravaparušeńnie», ździejśnienaje ksiandzom, adnosicca da katehoryi hrubych i nakiravana na «destabilizacyju abstanoŭki ŭ hramadstvie i dziaržavie».
Uličyŭšy, što ajciec Pavieł Lemiech užo padviarhaŭsia administracyjnym spahnańniam, sudździa prysudziła jaho da aryštu terminam na 10 sutak.
Jak viadoma, paśla adbyćcia 10 sutak śviatar znoŭ byŭ zatrymany i pravioŭ za kratami jašče čatyry dni.
Pra vyzvaleńnie inšaha šumilinskaha ksiandza Andžeja Juchnieviča, zatrymanaha adnačasova z Paŭłam Lemiecham, infarmacyi ŭ publičnaj prastory pakul nie było. Pa stanie na 28 maja jon praciahvaŭ znachodzicca ŭ śledčym izalatary.
Śviatara z Šumilina Paŭła Lemiecha vypuścili na volu
Katalickaha śviatara z Šumilina nie vypuścili paśla 10 sutak, sudzili paŭtorna
Stali viadomy prysudy śviataram z Šumilina
Śviataroŭ z Šumilina sudzili dystancyjna, a zatrymali nie tolki ich
Katalickich śviataroŭ u Šumilinie zatrymali nibyta za «dyviersijnuju dziejnaść na škodu biełaruskaj dziaržavie»
U Šumilinie zatrymali dvuch katalickich klirykaŭ
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary