Прэмʼерка Літвы пракаментавала расследаванне ў дачыненні да кампаніі, звязанай з праектам пашпарта Новай Беларусі
Літоўскі ўрад можа адмовіцца ад яе паслуг па вырабе пашпартоў.
Прэмʼер-міністр Літвы Інгрыда Шыманіце пракаментавала расследаванне ў дачыненні да кампаніі Garsų pasaulis. Дэпартамент дзяржбяспекі правярае кампанію, якая займаецца вырабам пашпартоў, на прадмет сувязі з рэжымам Лукашэнкі.
Па словах Шыманіце, калі кампанія будзе прызнана ненадзейнай, літоўскі ўрад будзе шукаць іншага пастаўшчыка, піша LRT.
«У цяперашні час прыняты ўсе меры па праверцы надзейнасці кампаніі. Як паведамілі ў МУС, міністр унутраных спраў у чарговы раз звярнуўся ў Дэпартамент дзяржбяспекі з просьбай правесці пераацэнку надзейнасці кампаніі з пункту гледжання пагроз нацыянальнай бяспецы, хаця кампанія мае сертыфікат надзейнасці пастаўшчыка паслуг, выдадзены ДДБ», — адзначыла Шыманіце.
Прэмʼерка расказала, што праверку таксама праводзіць Служба па расследаванні фінансавых злачынстваў.
«Калі кампанія будзе прызнана нядобранадзейнай, мы будзем шукаць іншыя магчымасці вырабу асабістых дакументаў», — заявіла Шыманіце.
Кампанія Garsų pasaulis была прыцягнутая да праекту пашпарта Новай Беларусі. Пра тое, што кампанія звязаная з бізнэсоўцам Віктарам Шаўцовым, набліжаным да Лукашэнкі, напісаў у сваім нядаўнім расследаванні Беларускі расследавальніцкі цэнтр.
Літоўская дзяржбяспека расследуе пытанне магчымай сувязі кампаніі, звязанай з вырабам пашпартоў Новай Беларусі, з рэжымам Лукашэнкі
«Заказны артыкул з мэтай дыскрэдытацыі». Герой расследавання пра пашпарт Новай Беларусі расказвае сваю версію падзей
Валер Кавалеўскі пракаментаваў расследаванне БРЦ, датычнае праекта пашпарта Новай Беларусі
Дэпутатка, якая рыхтуе прыгажунь для Лукашэнкі, выйшла замуж23
Каментары