З пачатку года 36 чалавек зніклі ў лясах падчас збору грыбоў і ягад. Міліцэйскі чыноўнік ведае, хто вінаваты
У 2024 годзе ўжо 36 беларусаў згубіліся ў лясах, пошукі дзевяці чалавек усё яшчэ працягваюцца. Пра гэта 11 ліпеня расказаў начальнік аддзела арганізацыі вышуковай працы галоўнага ўпраўлення крымінальнага вышуку МУС Беларусі Дзмітрый Крукаў.
«Мы вядзем статыстыку людзей, якія зніклі падчас збору дзікаросаў у лясных масівах. За апошняе дзесяцігоддзе гэта было ад 120 да 420 чалавек у год. На 10 ліпеня 2023 года было зарэгістравана 15 такіх выпадкаў, з іх дваіх мы не змаглі знайсці. У гэтым годзе на аналагічную дату ў нас ужо 36 зніклых. На жаль, пошукі дзевяці чалавек працягваюцца», — паведаміў міліцэйскі чыноўнік.
Пры гэтым ён арыгінальна знайшоў вінаватых у такой сітуацыі. Маўляў, каб людзі не хваліліся назбіранымі грыбамі і ягадамі ў сацсетках і на форумах — то і хадзіла б у лес, а адпаведна прападала б, людзей менш.
«Шчаслівыя грыбнікі публікуюць фатаграфіі невядома якога года, выхваляючыся небывалымі ўраджаямі. Усё гэта падагравае масавы інтарэс. І ніхто не адмяняў вечнае сарафаннае радыё: хтосьці ўдала схадзіў у лес, расказаў у вёсцы — і пенсіянеры туды пайшлі», — сказаў Дзмітрый Крукаў.
У зоне рызыкі, паводле яго, знаходзяцца пажылыя грамадзяне, асабліва старэйшыя за 70 гадоў, якія жывуць у сельскай мясцовасці. Менавіта таму, маўляў, любяць ісці ў лес у грыбы і ягады, нікому пра гэта не сказаўшы. А таму Крукаў раіць іх рэгулярна наведваць і паставіць кожны крок пад жорсткі кантроль:
«Вы выдатна разумееце, што яны не змогуць сядзець і глядзець у акно — усё адно сарвуцца. Прагуляйцеся з імі па лесе і назбірайце грыбоў, каб гэта было пад вашым кантролем».
«Як дзьмухаўцоў у полі». Беларусы расказалі, якія грыбы сталі з'яўляцца пасля ўстойлівай спёкі і кароткіх дажджоў
Навукоўцы спрагназавалі, які сёлета будзе ўраджай грыбоў і ягад
300 даляраў за тур у грыбы, 400 — каб трапіць у закрыты чат аматараў грыбоў: беларускі грыбнік прадае свае веды
Аказваецца, збіраючы грыбы, можна нарвацца на штраф. Чаго рабіць нельга?
«За раз сабраў 500 грыбоў!» Беларус навучыўся беспамылкова вызначаць суперураджайныя паляны
Грыбнік назбіраў на Міншчыне зайздросную паляну баравікоў і падасінавікаў
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве12
Каментары