Навукоўцы спрагназавалі, які сёлета будзе ўраджай грыбоў і ягад
Ураджай чарніц, брусніц і буякоў павінен выйсці на сярэднія значэнні. А вось журавін чакаецца больш: пад замаразкі яны, цвітучы значна пазней за іншых, практычна не трапілі, прагназуе навуковы супрацоўнік сектара харчовых і лекавых рэсурсаў лесу Інстытута лесу НАН Беларусі Ігар Махавік, піша «Сельская газета».
Па словах навукоўца, ураджай чарніц ацэньваецца так (выкарыстоўваецца пяцібальная шкала ацэнкі):
- Гомельская вобласць — 4 балы,
- Брэсцкая, Мінская і Магілёўская — па 3,
- Гродзенская — 2,
- Віцебская — 1.
Такія чаканні абумоўлены тым, што ранняй вясной трымаліся досыць высокія тэмпературы, з-за чаго вегетацыйны сезон пачаўся на два-тры тыдні раней, чым звычайна. Пасля ў паўночнай частцы Беларусі здарыліся зваротныя замаразкі да 4-5 градусаў, што адбілася на чарніцах падчас цвету.
Пры гэтым ягады могуць быць як буйныя, так і дробныя, таму пры адной і той жа іх колькасці можна атрымаць розны па масе ўраджай.
Што тычыцца грыбоў, то навукоўцы прагназуюць сярэдні ўраджай. Баравікоў і чырвонагаловікаў можа быць трохі менш, чым звычайна: зімой назіралася багацце ападкаў, у нізінах была вада, якая ў асобных месцах захоўваецца і цяпер.
Усё залежыць ад надвор'я: калі пасля гарачага перыяду пачынаюцца дажджы, то праз 10-14 дзён актыўна пойдуць грыбы.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары