«Дзякуй вам за сына Мікалая». Боты атрымалі новую метадычку адносна Абельскай
Пад інфармацыю аб наданні Ірыне Абельскай ганаровага звання заслужанага доктара масава прыйшлі боты-прапагандысты. Устаноўкі цяпер адрозніваюцца ад ранейшых.
Відэа ў тыктоку аб наданні Ірыне Абельскай ганаровага звання «Заслужаны доктар Беларусі» сабрала восем дзясяткаў каментароў.
Рэальныя карыстальнікі каментаваць баяцца, затое боты расхвальваюць галоўнага доктара прэзідэнцкай бальніцы на ўсе лады і ўзаемна лайкаюць каменты. Некаторыя з выказванняў даслоўна паўтараюць сакавіцкія, з моманту, калі Абельскую прызначылі сенатаркай.
Пры гэтым боты дадаюць, што Абельская і жанчына прыгожая.
Але на гэты раз боты мелі таксама ўказанне згадаць і тое, што Абельская — «мама Колі», не забыўшыся пахваліць сына, які таксама, як маці, «разумнік і прыгажун».
Звычайным беларусам боты рэкамендуюць не зайздросціць.
Каментары