Грамадства44

На развітанні з ксяндзом Завальнюком адключылі трансляцыю. Што там было?

Падчас святой імшы парафіі Святога Сымона і Святой Алены ў мінскім кафедральным касцёле 28 ліпеня, калі вернікі развітваліся са звольненым пробашчам ксяндзом Уладзіславам Завальнюком, анлайн-трансляцыя, якая заўсёды вядзецца ў храме, была адключаная. Пасля заканчэння імшы трансляцыю зноў уключылі. Што адбывалася ў гэты час, выданне Katolik.life спытала ў удзельнікаў імшы.

На развітанні з ксяндзом Завальнюком адключылі трансляцыю. Што там было?

Гэтую развітальную імшу цэлебраваў ксёндз Уладзіслаў Завальнюк разам з новапрызначаным пробашчам парафіі Чырвонага касцёла ксяндзом Францішкам Рудзем. Мітрапаліта Мінска-Магілёўскага арцыбіскупа Юзафа Станеўскага на ёй не было.

«Была звычайная імша, без сюрпрызаў. Ксёндз Уладзіслаў ніякіх заяў не рабіў. Калі імша скончылася, святары пайшлі, але мы чакалі, што пробашч выйдзе да нас, скажа развітальнае слова. І ён выйшаў, былі доўгія авацыі. Сказаў, што прымае волю іерарха, што трэба далей рабіць Божыя справы. Напрыканцы паціснуў руку новаму пробашчу», — гаворыць вернік.

Паводле яго, ксёндз Уладзіслаў Завальнюк добра трымаўся, усміхаўся, пры гэтым было відаць, што ў яго прыкра на сэрцы, але ён стараўся гэтага не паказваць.

«Ключавыя пытанні не праясніліся. Ніхто не пацвердзіў, што ксёндз Уладзіслаў падаваў прашэнне аб звальненні, і сам ён казаў у прыватных размовах, што гэтага не рабіў. Ці застанецца ён у парафіі, дзе будзе служыць — на гэтыя пытанні нам не адказалі.

Абвясцілі ягонае новае прызначэнне — каардынатар беатыфікацыйнага працэсу Эдварда Вайніловіча. Але не патлумачана, ці будзе нейкі офіс, за якія сродкі рабіць гэту дзейнасць, пра пенсію, пра сродкі на жыццё нічога не сказана».

«Хвала Езусу Хрысту!» — такімі словамі святар развітаўся з парафіянамі.

Каментары4

  • Відавочца Падзеяў
    29.07.2024
    [Рэд. выдалена]
  • Відаць касцёл "пад канторай".
    30.07.2024
    Там не толькі адключылі трансляцыю на тою гадзіну. Нехта таксама выдаліў з канала ўсе што было з кс. Ўладыславам.
  • Янка
    30.07.2024
    бабруйчанін , як заўжды - міма, таварыш. На ютубе шмат ролікаў, у якіх ксёндз Завальнюк прамаўляе па-беларуску. Увогуле, пераважная большасць набажэнстваў у беларускіх каталіцкіх і грэка-каталіцкіх парафіях вядзецца па-беларуску, польскамоўныя набажэнствы - гэта адзінкі. А вось пачуць беларускую мову ад святара БПЦ-РПЦ - гэта сапраўды нешта неверагоднае. Таму адразу бачна - хто беларускі патрыёт, а хто - нехта іншы.

Латушка абвяргае абвінавачанні ў харасмэнце ад дэлегаткі КР Карпушонак83

Латушка абвяргае абвінавачанні ў харасмэнце ад дэлегаткі КР Карпушонак

Усе навіны →
Усе навіны

Апеляцыйны суд ЗША прызнаў большасць тарыфаў, уведзеных адміністрацыяй Трампа, незаконнымі3

Кіберпанк па-беларуску: у 2026 годзе выйдзе гульня Replaced, натхнёная «Бегуном па лязе»

У Кітаі адкрываецца самы высокі мост у свеце ФОТЫ4

Турыст у Кеніі напаіў півам слана і справакаваў скандал

«Такія выпадкі вельмі рэдкія». Прадпрыемства адказала беларусцы, якая знайшла ў марожаным кавалак металу1

Гомельскі губернатар пахваліўся, што сёлета ў рэгіёне стала больш першакласнікаў. Але леташнія лічбы гэтаму пярэчаць4

Латушка паведаміў пра атрыманне пагрозы ад КДБ9

Пяты НПЗ у Расіі спыніў перапрацоўку нафты пасля атакі беспілотнікаў

Колькасць загінулых у Кіеве праз расійскую атаку дасягнула 25 чалавек

больш чытаных навін
больш лайканых навін

Латушка абвяргае абвінавачанні ў харасмэнце ад дэлегаткі КР Карпушонак83

Латушка абвяргае абвінавачанні ў харасмэнце ад дэлегаткі КР Карпушонак

Галоўнае
Усе навіны →

Заўвага:

 

 

 

 

Закрыць Паведаміць