Вось колькі за яго хочуць выручыць.
На аўкцыённай пляцоўцы «ІПМ-таргі» з'явілася цікавая аб'ява. Тут прадаюць цэлы цеплаход. Продаж вялікіх водных транспартных сродкаў у Беларусі і без таго з'ява рэдкая, а ў Мінску так і зусім рэдкая, піша Blizko.by.
ТАА «Бізнэс РМ» прадае цеплаход з двума прычальнымі пантонамі. Уся маёмасць знаходзіцца на Камсамольскім возеры, у музейна-паркавым комплексе «Перамога».
У складзе лота тры прадметы: пасажырскі цеплаход для перавозкі пасажыраў на мясцовай лініі «Новы Нясвіж» (пабудаваны ў 1954 годзе, рэгістрацыйны нумар РБ-133) і два прычальныя пантоны: «ПП-04» і «ПП-038» (пабудаваны адпаведна ў 1967 і 1976 гадах, маюць рэгнумары РБ-135 і РБ-134).
Працаздольнасць вузлоў і агрэгатаў не правяралася. Пры інструментальным кантролі, дыягностыцы, разборцы магчыма выяўленне схаваных дэфектаў.
Стартавы кошт лота — 195.000 рублёў.
Крок аўкцыёну складае 5% ад цаны. Акрамя таго, пераможца павінен будзе аплаціць 4% ад цаны продажу лота як ўзнагароджанне арганізатару таргоў, а таксама 500 рублёў выдаткаў. Гэта значыць, пакупнік павінен будзе выкласці мінімум 213.440 рублёў, або 68.690 даляраў ЗША.
Таргі адкрыюцца 3 верасня а 11:00.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак12
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары