Што такога ўмеюць беларусы, чым можна скарыць свет? Адказ эканаміста Данейкі
Пра «схаваных чэмпіёнаў» у бізнэсе эканаміст Павел Данейка разважаў у ютуб-шоу «Мне таксама не падабаецца».
Сярод галін, дзе беларусы канкурэнтаздольныя, Павел Данейка падкрэслівае ў першую чаргу ІТ.
«ІТ да гэтага крызісу займалі трэцяе месца па ўкладзе ў ВУП, апярэдзіўшы сельскую гаспадарку. Вось гэта ключавы прадукт», — кажа Данейка.
Ён згадвае такое паняцце, як «схаваныя чэмпіёны». Гэта кампаніі, якія дамінуюць на сусветным рынку ў вузкіх сегментах. У Беларусі, па яго словах, 35 такіх кампаній.
«Гэта ў прыборабудаванні бачна — тады фізічныя характарыстыкі прыбора маюць меншае значэнне, калі ёсць добрае праграмнае забеспячэнне. Добры прыклад — калі старыя прыборы УГД аснасцілі сучасным праграмным абсталяваннем і яны сталі працаваць лепш за новыя прыборы».
Сінтэз электронікі і праграмнага забеспячэння — тое, на што нам трэба рабіць стаўку, лічыць Данейка.
«Укараненне праграмнага забеспячэння ў розныя вытворчыя працэсы — ключавыя элементы змянення якасці. У нас ёсць адна абутковая кампанія, якая цяпер сусветны лідар у раскроі скуры. Гэта складаны працэс — кожная карова мае спецыфічную скуру, нельга загадзя зрабіць раскрой. Таму яны стварылі праграмнае забеспячэнне, якое дазваляе аўтаматызаваць гэта».
Эканаміст адзначае таксама, што за мяжой паспяховыя беларускія будаўнічыя кампаніі.
«Будоўля — пастаянна хаос, і трэба прымаць рашэнні. Беларусы ўмеюць знаходзіць рашэнні самі», — тлумачыць ён прычыну.
Данейка разважае, што ў адсутнасці замежных інвестыцый у эканоміку таксама ёсць плюс — бізнэс сам шукае паспяховыя доўгатэрміновыя стратэгіі, а не бярэ гатовыя рашэнні.
«Напрыклад, калі трансфармаваць нашу дрэваапрацоўку, то гэта трэба рабіць на аснове нацыянальнага бізнэсу з мінімальным прыцягваннем замежных інвестыцый», — лічыць эканаміст.
-
Статкевіч змадэляваў падзеі, што могуць разгарнуцца ў Беларусі ўвосень
-
Літоўскі блогер паскардзіўся, што «Наша Ніва» няправільна пераказала яго дыялог са Спарышам. Камісія па этыцы стала на бок «НН»
-
Статкевіч: У 1917 годзе прынцып «Война до победного канца» ўжо прывёў Расію да нацыянальнай катастрофы
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Ня саступаюць БТ з Белсатам