Što takoha ŭmiejuć biełarusy, čym možna skaryć śviet? Adkaz ekanamista Daniejki
Pra «schavanych čempijonaŭ» u biznesie ekanamist Pavieł Daniejka razvažaŭ u jutub-šou «Mnie taksama nie padabajecca».
Siarod halin, dzie biełarusy kankurentazdolnyja, Pavieł Daniejka padkreślivaje ŭ pieršuju čarhu IT.
«IT da hetaha kryzisu zajmali treciaje miesca pa ŭkładzie ŭ VUP, apiaredziŭšy sielskuju haspadarku. Voś heta klučavy pradukt», — kaža Daniejka.
Jon zhadvaje takoje paniaćcie, jak «schavanyja čempijony». Heta kampanii, jakija daminujuć na suśvietnym rynku ŭ vuzkich siehmientach. U Biełarusi, pa jaho słovach, 35 takich kampanij.
«Heta ŭ pryborabudavańni bačna — tady fizičnyja charaktarystyki prybora majuć mienšaje značeńnie, kali jość dobraje prahramnaje zabieśpiačeńnie. Dobry prykład — kali staryja prybory UHD asnaścili sučasnym prahramnym abstalavańniem i jany stali pracavać lepš za novyja prybory».
Sintez elektroniki i prahramnaha zabieśpiačeńnia — toje, na što nam treba rabić staŭku, ličyć Daniejka.
«Ukaranieńnie prahramnaha zabieśpiačeńnia ŭ roznyja vytvorčyja pracesy — klučavyja elemienty źmianieńnia jakaści. U nas jość adna abutkovaja kampanija, jakaja ciapier suśvietny lidar u raskroi skury. Heta składany praces — kožnaja karova maje śpiecyfičnuju skuru, nielha zahadzia zrabić raskroj. Tamu jany stvaryli prahramnaje zabieśpiačeńnie, jakoje dazvalaje aŭtamatyzavać heta».
Ekanamist adznačaje taksama, što za miažoj paśpiachovyja biełaruskija budaŭničyja kampanii.
«Budoŭla — pastajanna chaos, i treba prymać rašeńni. Biełarusy ŭmiejuć znachodzić rašeńni sami», — tłumačyć jon pryčynu.
Daniejka razvažaje, što ŭ adsutnaści zamiežnych inviestycyj u ekanomiku taksama jość plus — biznes sam šukaje paśpiachovyja doŭhaterminovyja stratehii, a nie biare hatovyja rašeńni.
«Naprykład, kali transfarmavać našu drevaapracoŭku, to heta treba rabić na asnovie nacyjanalnaha biznesu ź minimalnym pryciahvańniem zamiežnych inviestycyj», — ličyć ekanamist.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary
Nia sastupajuć BT ź Biełsatam