Саша Філіпенка расказаў, як выставіў свае ўзнагароды на аўкцыён для дапамогі расейцам, якія супраць вайны, і што з імі стала
Пісьменнік Саша Філіпенка падзяліўся гісторыяй, як выставіў на аўкцыён усе свае ўзнагароды, каб сабраць грошы на дапамогу расійскім прызыўнікам, якія не хочуць ісці на вайну і косяць ад войска.
«Калі пачалася вайна, мы шукалі любыя спосабы, каб звярнуць увагу спячага расійскага грамадства на тое, што адбываецца катастрофа. Мы спрабавалі дапамагчы ўсім, хто выступаў супраць вайны», — піша Філіпенка ў фэйсбуку.
Так з'явілася ініцыятыва, калі вядомыя людзі выстаўлялі свае статуэткі, прызы і прэміі на аўкцыён, а атрыманыя грошы ішлі на аплату адвакатаў, якія дапамагалі прызыўнікам касіць ад войска і не ісці на вайну.
«Мне прапанавалі выставіць адну любую ўзнагароду. Я падумаў, што чым больш будзе грошай — тым больш хлопцаў змогуць адкасіць, а таму аддаў усе дыпломы і статуэткі, акрамя першага, які атрымаў ад Беларускага ПЭН-цэнтра (наўрад ці ён каму-небудзь быў бы патрэбны). (…) Да маёй радасці, хтосьці купіў усе мае ўзнагароды і перавёў грошы фонду.
Я парадаваўся і думаць забыўся, але нядаўна, пасля выступу ў Амстэрдаме, да мяне падышла выдатная дзяўчына і сказала, што гэта яна выкупіла ўсе мае статуэткі і дыпломы, каб перавесці грошы на добрую справу. Акрамя таго, сказала цудоўная незнаёмка, калі я захачу — яна гатовая ўсё вярнуць.
Я даведаўся, што дзяўчына выязджала з Расіі з двума валізкамі: у адным былі асабістыя рэчы — у іншай мае статуэткі. Я, вядома, не пагадзіўся, таму што ведаю, што дыпломы цяпер у добрых руках. У адрозненне ад мяне, іх нават праціраюць.
І яшчэ я ведаю, што добрых людзей усё роўна больш і ўсе аўтары выдатных ідэй будуць на волі», — падсумаваў Філіпенка.
Каментары