Saša Filipienka raskazaŭ, jak vystaviŭ svaje ŭznaharody na aŭkcyjon dla dapamohi rasiejcam, jakija suprać vajny, i što ź imi stała
Piśmieńnik Saša Filipienka padzialiŭsia historyjaj, jak vystaviŭ na aŭkcyjon usie svaje ŭznaharody, kab sabrać hrošy na dapamohu rasijskim pryzyŭnikam, jakija nie chočuć iści na vajnu i kosiać ad vojska.
«Kali pačałasia vajna, my šukali lubyja sposaby, kab źviarnuć uvahu śpiačaha rasijskaha hramadstva na toje, što adbyvajecca katastrofa. My sprabavali dapamahčy ŭsim, chto vystupaŭ suprać vajny», — piša Filipienka ŭ fejsbuku.
Tak źjaviłasia inicyjatyva, kali viadomyja ludzi vystaŭlali svaje statuetki, pryzy i premii na aŭkcyjon, a atrymanyja hrošy išli na apłatu advakataŭ, jakija dapamahali pryzyŭnikam kasić ad vojska i nie iści na vajnu.
«Mnie prapanavali vystavić adnu lubuju ŭznaharodu. Ja padumaŭ, što čym bolš budzie hrošaj — tym bolš chłopcaŭ zmohuć adkasić, a tamu addaŭ usie dypłomy i statuetki, akramia pieršaha, jaki atrymaŭ ad Biełaruskaha PEN-centra (naŭrad ci jon kamu-niebudź byŭ by patrebny). (…) Da majoj radaści, chtości kupiŭ usie maje ŭznaharody i pieravioŭ hrošy fondu.
Ja paradavaŭsia i dumać zabyŭsia, ale niadaŭna, paśla vystupu ŭ Amsterdamie, da mianie padyšła vydatnaja dziaŭčyna i skazała, što heta jana vykupiła ŭsie maje statuetki i dypłomy, kab pieravieści hrošy na dobruju spravu. Akramia taho, skazała cudoŭnaja nieznajomka, kali ja zachaču — jana hatovaja ŭsio viarnuć.
Ja daviedaŭsia, što dziaŭčyna vyjazdžała z Rasii z dvuma valizkami: u adnym byli asabistyja rečy — u inšaj maje statuetki. Ja, viadoma, nie pahadziŭsia, tamu što viedaju, što dypłomy ciapier u dobrych rukach. U adroźnieńnie ad mianie, ich navat pracirajuć.
I jašče ja viedaju, što dobrych ludziej usio roŭna bolš i ŭsie aŭtary vydatnych idej buduć na voli», — padsumavaŭ Filipienka.
-
U 7‑j śpiecbryhadzie ŭnutranych vojskaŭ źmianili kamandzira i ideołaha — nieŭzabavie paśla pravierki bojehatoŭnaści
-
Łatuška: Pieramovy pa Ukrainie mohuć adkryć mahčymaści dla Biełarusi. Demsiły pavinny być za stałom
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami3
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary