У цэнтры Мінска за мільён даляраў прадаюць адзін з самых модных бараў 2010-х
На продаж на пляцоўцы Realt выставілі бар «Чердак» у раёне мінскай вуліцы Зыбіцкай, які быў адной з самых модных устаноў 2010-х гадоў. За яго просяць ажно мільён даляраў.
Бар «Чердак» адкрыўся ў канцы 2013 года. Тут зрабілі класны мінімалістычны інтэр'ер, сучаснае меню, дадалі актуальнай музыкі — і атрымалі адзін са знакавых праектаў Мінска 2010-х гадоў. Бар быў вельмі папулярным.
Пазней да асноўнага памяшкання бара дадалося яшчэ адно пад сваёй назвай «Крыша». Гэта закрытая тэраса, плюс столікі на двары.
Але ў пачатку 2023 года памяшканне «Чердака» вырашылі здаваць у арэнду. Цяпер бар працуе, але прадаецца.
«Чердак» аддаюць з аўтарскай мэбляй і элементамі дызайну, з прафесійным абсталяваннем для бара і кухні, гукавой і дыджэйскай апаратурай, праектарам.
Акрамя таго, на тэрыторыі бара ёсць склад для захоўвання прадуктаў. Агульная плошча ўсяго — 315 квадратаў (205 — сам бар, 110 — тэраса).
За ўсё гэта просяць мільён даляраў.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары