У цэнтры Гродна прадаюць кватэру з шыкоўным відам з балкона. Колькі просяць за аднапакаёўку
Такая кватэра ў Гродне — рэдкая прапанова.
Кватэра знаходзіцца па адрасе вул. Маставая, 33. Аднапакаёўка месціцца на другім паверсе 5-павярховага дома 1962 года пабудовы. Агульная плошча — 31 м².
Кватэру ацанілі ў 47 тысяч даляраў, ці па $1500 за «квадрат», што прыблізна ў паўтара разу даражэй, чым сярэдняя цана «метра» ў аднапакаёўках па Гродне.
Рамонт у кватэры даволі сціплы. У пакоі шмат ляпніны з гіпсакардону, столь двухузроўневая з галагеннымі лямпачкамі, дзвярны праём выкананы ў выглядзі паўаркі. Такія элементы дызайну былі папулярныя ў пачатку нулявых.
Відавочна, што высокі кошт абумоўлены не наяўнасцю сучаснага рамонту, а геаграфічным распалажэннем. З балкона кватэры адкрываецца шыкоўны від на Гродзенскі абласны драматычны тэатр, касцёл Здабыцця Святога Крыжа і кляштар бернардзінцаў. Гэты касцёл — найстарэйшы дзейны каталіцкі храм у Гродне.
Для пастаяннага пражывання гэтая кватэра, магчыма, не самы лепшы варыянт у горадзе, бо вокны выходзяць на ажыўленую дарогу. А вось для пасуткавай здачы турыстам такі варыянт выдатна пасуе. Асабліва з улікам таго, што Гродна ў апошнія гады перажывае сапраўдны турыстычны бум і кватэры ў цэнтры ў пікавыя дні здаюць па 100 даляраў за суткі.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары