Судзяць 19-гадовага хлопца, які павёўся на правакацыю КДБ. Яму пагражае да пятнаццаці гадоў калоніі
Данііл Гарасім хацеў уступіць у ПКК, але натрапіў на фэйкавы бот, які адмініструюць беларускія спецслужбы. Цяпер яго абвінавачваюць па трох артыкулах КК.
Вядома пра хлопца мала — яму 19 гадоў, і ён з Магілёва. Пасля школы паступіў у каледж, падобна, на цесляра.
Мяркуючы па відэа АНТ, хлопец хацеў патрапіць у шэрагі беларускіх дабраахвотнікаў. Ён запытаўся, якім чынам гэта можна зрабіць. У адказ яму далі «першае заданне» — зрабіць фота ракетна-артылерыйскай брыгады. А пасля — перадаць прыладу для вывядзення з ладу цягнікоў актывістам руху «Супраціў».
Увесь гэты час за хлопцам шчыльна сачыў КДБ, па ТБ паказалі перапіскі з «куратарам». Даніла Гарасім павёўся на аперацыю КДБ, напісаўшы ў адзін з фэйкавых ботаў.
Кадэбісты стварылі вялікую сетку фэйкавых рэсурсаў, якія імітуюць рэсурсы ПКК ды іншых ініцыятываў. Большасць тых, хто павёўся, пасля былі затрыманыя. Нагадаем, што ПКК і іншыя падраздзяленні добраахвотнікаў ніколі не даюць перад уступленнем у свае шэрагі аніякіх «праверачных заданняў».
Суд над хлопцам пачнецца 16 верасня ў Магілёўскім абласным судзе. Яго абвінавачваюць у «спробе ўдзелу ў вайне» (заўв. 3 ч. 1 арт. 361 КК), «здрадзе дзяржаве» (ч. 1 арт. 365 КК) і «незаконных дзеяннях у адносінах да агнястрэльнай зброі, баепрыпасаў і выбуховых рэчываў» (ч. 2 арт. 295 КК).
Яму пагражае да пятнаццаці гадоў калоніі. Судзіць яго будзе Ігар Зямцоў, які вынес не менш за 20 палітычных прысудаў па крымінальных справах.
«Наша Нiва» — бастыён беларушчыны
ПАДТРЫМАЦЬЦяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары