Сілавікі затрымалі семярых падлеткаў, якіх вінавацяць у тэрарызме і здрадзе дзяржаве
На АНТ выпусцілі фільм пра падлеткаў, якіх нібыта завербавала СБУ.
Як сцвярджае прапаганда, падлеткі аб’ядналіся, каб рабіць дыверсіі па наводцы ў Беларусі, а пасля і ў Расіі. Праўда, адзіныя іх праведзеныя акцыі, якія згадваюць у фільме, — расклейванне ўлётак.
Групу сабрала дзяўчынка-падлетак з Украіны Марыя Місюк. Яна з бацькамі пераехала ў Беларусь пасля пачатку вайны ў 2022-м. Марыя вучылася ў мастацкім каледжы ў Міры. Прапаганда называе яе камандзірам тэрарыстычнай ячэйкі «Чорныя салаўі» і сцвярджае, што за ёй стаяла СБУ.
У групе было яшчо 5 чалавек: Сяргей Жыгалёў, Трафім Барысаў, Дзмітрый Захарошка, Анастасія Кліменка, Аляксандра Пуліновіч. Яны вучыліся ў каледжах у Мінску, Нясвіжы, Баранавічах, Лунінцы.
Як сцвярджае прапаганда, маладзёны збіраліся на баранавіцкай кватэры, каб падрыхтавацца да сваёй першай сур’ёзнай акцыі — сабраць выбухоўку і ўзарваць баранавіцкае аддзяленне міліцыі ці пракуратуру.
Марыю Місюк абвінавачваюць па ч. 2 арт. 289 (акт тэрарызму).
Якое абвінавачанне выставілі іншым падлеткам, не паведамляецца. Таксама не зразумела, ці затрыманая цяпер Аляксандра Пуліновіч.
Таксама ў сюжэце «Дзеці на прыцэле» расказваецца некалькі паралельных гісторый. Адна з іх — пра затрыманага Данііла Гарасіма. 19-гадовы хлопец абвінавачваецца па ч. 1 арт. 356 (здрада дзяржаве). У фільме расказваецца, што яму далі заданне з’ездзіць у Асіповічы і зняць ракетна-артылерыйскую брыгаду 29 снежня 2023 года. Але адметна, што з першага ж задання сілавікі рабілі аператыўную здымку — узнікае пытанне, ад каго ж тое заданне паступіла.
Чарговая паралельная лінія — гісторыя Станіслава Шапеля. Ён, як сцвярджаецца, пагадзіўся быць кур'ерам, перапраўляць грошы. Таксама хлопец запісваў відэа, што супраць Пуціна і падтрымлівае Украіну. Мяркуючы па форме і бірцы, Станіслаў ужо адбывае пакаранне.
Ёсць і чацвёртая гісторыя — студэнт БНТУ Сямён Васілевіч і яго сябар, якога так і не прадставілі. Яны нібыта выраблялі выбухоўку.
Каментары
Вам лапши на два кармана
Если сильно голодны