«Арлан-10» — вельмі небяспечны беспілотнік.
Зенітчыкі 3-й асобнай танкавай жалезнай брыгады УСУ ўпершыню збілі на велізарнай вышыні расійскі беспілотнік «Арлан» у нябеснай дуэлі і нават паказалі відэа, піша УНІАН.
«Ад гэтай навіны захоплівае дух. Жалезная брыгада ўпершыню збіла вышынны расійскі беспілотнік у нябеснай дуэлі! Гэта адбылося 7 верасня над Харкаўшчынай. Як толькі засеклі варожы БПЛА «Арлан-10», у зададзены раён памчалася група «Крумкач» зенітнага ракетна-артылерыйскага дывізіёна», — распавялі вайскоўцы.
Гаворыцца, што ва ўзаемадзеянні з пабрацімамі-пагранічнікамі танкісты вызначылі курс і вышыню цэлі. На месцы адзін воін падрыхтаваў тэхніку да працы, затым уступілі ў дзеянне яшчэ двое членаў экіпажу паляўнічых на разведвальныя «крылы» акупацыйных войскаў.
Яны распавялі, што паляванне было звышскладаным. Па-першае, вышыня — больш за тры кіламетры, па-другое, «Арлан» увесь час мяняў напрамак і вышыню.
«Але дзякуючы майстэрству і зладжаным дзеянням групы «Крумкач», беспілотнік-разведчык дагналі на вышыні 3620 метраў і знішчылі», — гаворыцца ў паведамленні.
***
«Арлан-10» — вельмі небяспечны беспілотнік. Ён можа праляцець 600 кіламетраў, падняцца на 5 кіламетраў, а радыус яго дзеяння — 120 кіламетраў.
Дрон выяўляе мэты і карэктуе агонь, перахоплівае радыёперамовы, блакуе мабільную сувязь, «ламае» сігнал GPS, скідае боепрыпасы з малой вышыні і да таго падобнае.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ26
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары
Ну згадзіцеся смешна )))
Якія зенітчыкі танкавай ?)
А падзея выдатная. Дрон - знішчальнік кінуўся з яшчэ большай вышыні. І знайсці ў небе той арлан без дапамогі нейкай РЛС і поўнага ўзаемадзеяння немагчыма . Гэта вялік крок наперад .